如果大家曾經試過食飽飯無嘢做，試過上 UNIQLO 香港嘅網站睇吓嘅時候，應該會發現當按入去某個 Product 嘅界面入邊，就會見到一句句子被 Highlight ：「本公司商品僅於實體店舖發售，而UNIQLO香港現時亦未設有網上購物。」

簡單啲講，以前 UNIQLO 嘅香港網站係無 Online Shop，亦無任何 Stock-Checking 功能，再直接啲講就係對住啲衫褲就剩係得個睇字，想買？自己落舖睇，想知仲有無？都係一樣，自己落舖睇啦。

但係，而家就唔同嘞，UNIQLO 嘅香港網站除咗介面設計有更新之外，而家成個網站都全面升級，新設網上商店服務。以後咁多位無論係因為多嘢做要返工OT湊仔湊女無時間又好，而一或係單純太懶喺屋企唔想特登出街自己落舖買，呢啲理由都唔會阻止到你去幫襯 UNIQLO，因為無論係品牌最新動態，貨品詳情外，仲可以即買，而且更有快遞配送及到舖自提兩種配送方式選擇。

最最最重要嘅一點，喺 Online Shop 入面一單買夠 400 港幣以上更會免快遞配送運費；而到舖自提更加係全免，睇完係咪即刻想為嚟緊嘅冬天買入新裝呢？仲需要諗？唔買都上去睇吓先啦！

UNIQLO官方網絡旗艦店