{ SKIP }
文:MenClub 佳拿  圖:互聯網
POSTED ON 18 Jan 2019

巴黎秋冬男裝週正進行得如火如荼,各東西大小品牌均疹在此公布 2019 年之秋冬男裝系列。作為亞洲代表嘅 Undercover,喺身為男裝週之「常客」之時,亦總能為眾時裝精帶來驚喜。

還記得 Undercover FW18 中注入咗電影《2001太空漫遊》 — 2001: A Space Odyssey 元素之眾多單品嗎?由高橋盾相當喜愛之導演 — Stanley Kubrick 所執導之經典電影,而佢亦以此致敬,同時亦貼近當季系列之元素—外太空。

詳見:【大欖扯唔埋?】Undercover今季首發嘅聯乘竟然係搵咗呢套電影?!

相隔一年,高橋盾再次以電影元素注入至 Undercover 之服裝系列當中,今次嘅對象就係喺高登仔心目中一生人必睇電影之一嘅《發條橙》A Clockwork Orange,而且喺 Catwalk 中眼見之概念商品如大褸,Sweatshirt 當中,更是直接以電影中之畫面印上衣服詮釋其意念。

另外講到是次展出之震撼彈,莫過於係 Undercover 與意大利中高端時裝品牌 VALENTINO 次聯乘系列。兩者看似互不相干但其實早有淵源,喺上年年尾 VALENTINO 嚟到東京嘅銀座開始其 Concept Store 時已經有搵嚟 Undercover 推出數個以油畫作主要元素之 Pouch Bag。詳見:【破天荒聯乘UNDERCOVER!】VLTN TKY企劃開催

是次 FW19 男裝系列則係其東西兩方之真正合作結晶,雖然是次聯乘雙方均有分開製作其服裝系列,但係兩大品牌均以 Edgar Allan Poe 呢位來自美國嘅多重身份人士作其主要概念元素。

VALENTINO 方面主要以其相對拿手之冷衫,各式各樣之機能性大褸等作聯乘系列之重點單品,高橋盾喜愛使用之花卉、UFO、音樂家人像元素均在 VALENTINO 系列中呈現;而 Undercover 方面則以 Hoodie,大褸以及 Down Jacket 作聯乘系列之重點單品,當中 Undercover 其標誌性之大U Logo,亦在此「偷換概念」,將其轉化作大V Logo,另外亦有 V 與 U 交錯之 Logo,盡顯其聯乘之獨特性。

有重點聯乘系列,當然亦有相對無咁多人著眼之聯乘系列。幾乎係每季定番之 Nike 聯乘系列今年顯得無咁耀眼,繼上年之 React Element 87 後,Undercover 再次搵嚟 Nike 之新型號作聯乘單品,分別係 Air Max 720 以及有一款型號不明之靴型鞋款,後中底以 React 底所構成。兩款鞋型均會推出兩種配色。

距離 FW19 真正發售仲有起碼半年,儲定錢幫襯盾哥就差唔多啦,特別係《發條橙》嗰幾件真係十分吸引;至於每季定番方面,作為 Nike 與 Undercover Fans 嘅我基本上每季都無慮即決,不用多想。

在1994年拍攝的電影《阿甘正傳》(Forrest Gump),是無數影迷心目中的經典之作,而 Forrest Gump 在電影中穿著的 OG Cortez ,也因電影的推波助瀾之下,而成為了經典鞋款,這雙紅、白、藍配色的 OG Cortez 亦有「阿 ...
style
Forrest Gump 在《阿甘正傳》穿著過的 Nike Cortez 阿甘鞋,以天價 $57500 美元賣出!
28 Mar 2024
現時「Blockcore」風潮大行其道,可不少人也穿上球衣搭配牛仔褲和球鞋,不少時裝品牌也因此而推出新款球衣設計。不過對於英超球會曼城而言,他們更偏向於選擇了「機能風」時尚,皆因在剛剛,曼城宣佈與意大利頂級機 ...
style
C.P. Company 成為曼城合作夥伴,夏蘭特將會穿著 Goggles Jackets 示人?
27 Mar 2024