騰訊旗下嘅皇牌遊戲《王者榮耀》海外版《傳說對決(Arena of Valor)》將於9月登陸任天堂Switch平台。《傳說對決》喺Switch上已經進行過兩次小範圍嘅封閉測試，而據了解遊戲會以900p分辨率及45FPS於Switch上運行，但由於Switch係以實體手掣玩《傳說對決》，對喺手機上玩開嘅玩家就需要啲時間去適應。

騰訊遊戲今日宣布旗下遊戲《王者榮耀》海外版《傳說對決》會喺9月登陸Switch，同時亦上載咗遊戲Switch版全新預告片。喺預告片中指出，《傳說對決》嘅Switch版將會支援全球伺服器，並有外媒指手機版嘅數據可以遷移到Switch賬號中。

其實《傳說對決》Switch版本來預計喺2017年冬季推出，但最後並無如期推出，直接今年E3 2018任天堂先宣布Switch版《傳說對決》會喺今年秋季推出，到今日先確認會喺9月正式推出，但實際推出時間仍有待確認。喺Switch版《傳說對決》中，由於係以實體手掣操作，非指向性技能需要使用右搖桿進行瞄準，同時都會略微移動畫面，但整體上手掣操作都配合得唔錯，習慣咗手機版嘅朋友就需要啲時間去適應實體手掣操作。

來源：GamesRadar