雖然Elon Musk旗下嘅Tesla搞到七國咁亂，但另一由佢創辦嘅太空科技公司SpaceX成功完成一項紀錄。由SpaceX研發嘅Falcon 9 Block 5首次在喺美國西岸完成地面回收，而呢次亦係SpaceX今年以來第17次火箭發射。

喺美國東岸時間10月7日晚上，SpaceX執行嘅SAOCOM 1A衛星發射任務取得成功，由Falcon 9 Block 5運載嘅SAOCOM 1A衛星順利運送入軌道，而Falcon 9 Block 5嘅一級助推器亦完成西岸首次陸地降落。Block 5係Falcon 9火箭嘅最新型號，擁有高度回收能力，喺唔需要檢修翻新嘅情況下可以執行10次任務，而檢修翻新後更可以執行達百次任務。

今次Falcon 9 Block 5係由美國西海岸的加利福尼亞州范登堡空軍基地(Vandenberg Air Force Base)發射升空，而火箭一級助推器隨後完成地面回收，亦係首次喺加利福尼亞海岸完成火箭一級助推器地面回收，同時為SpaceX第12次完成地面回收。SpaceX今年完成咗17次火箭發射，就快追上去年 18次紀錄，但原定2018年計劃24次火箭發射仍相差甚遠，估計難以喺年底前完成原定計劃。

來源：TechCrunch、SpaceX Twitter