勞斯萊斯(Rolls-Royce)日前宣布，將會開發一個無人駕駛船舶全球系統，為大型貨船實現無人駕駛，而系統將會用上Intel晶片。雙方計劃喺2025年前實現無人駕駛貨運船嘅主船隊建設工作，其中勞斯萊斯喺芬蘭及挪威嘅研發中心將負責相關航運技術。

勞斯萊斯指出，大型貨運船幾乎佔據咗全球90%以上嘅貨物運輸方式，而令型貨運船實現無人駕駛，或者實現遙遠控制可以大大提高安全性，以及提高船隊效率。為咗幫助無人駕駛船舶全球系統處理數據，勞斯萊斯為船舶及專門設計嘅數據中心用上Intel嘅Xeon可擴展處理器。

每艘無人駕駛貨運船將會配備一組由視覺傳感器、高分辨率攝像機、GPS組成嘅系統，呢個系統會圍繞整個船隻四周，而每艘船每日可以產生出1TB數據量。

來源：The Verge