早前報道過由工作室Respawn開發嘅免費「食雞」遊戲《Apex Legends》「外掛」問題猖獗，而工作室更指出大部分外掛玩家嚟自中國。日前喺外國討論區Reddit上出現咗名為「復仇者反外掛系統」，聲稱能夠干擾敵人嘅自動瞄準系統，並以「只有魔法才能打敗魔法」作系統介紹。

網傳嘅「復仇者反外掛系統」除咗能夠「自瞄干擾」外，仲可以對付用咗加速器嘅玩家，其中「降維打擊」功能就指出能夠令周遭嘅「閃電俠」恢復正常速度。而其餘兩毎個功能就係「透視自瞄玩家」及「快捷舉報」，能夠令你避過外掛玩家之餘，仲可以一舉Report晒佢哋。

「復仇者反外掛系統」雖然能夠令你免去被外掛玩家SM嘅機會，不過唔好忘記佢自己都係一個外掛程式，所以系統介紹都標明有被誤封嘅可能。「復仇者反外掛系統」以簡體中文作介紹，相信係嚟自中國地區玩家嘅作品，睇嚟一眾中國玩家都睇唔過眼自己同胞用上外掛程式打機，所先會用上「以夷制夷」嘅方法對付佢哋。

來源：Reddit