Harry Potter 粉絲有好消息喇！由開發《Pokemon Go》嘅團隊 Niantic 製作嘅 AR 手機遊戲 《Harry Potter Wizards Unite》，決定喺2019年6月21日於美國及英國等地區推出。玩家可以喺遊戲中利用 AR 搜查魔法痕跡，並使用到唔同嘅咒語。

WB Games 與 Niantic 決定將 AR 手機遊戲 《Harry Potter Wizards Unite》喺6月21日於 iOS 或 Android 平台推出。遊戲以英國知名科幻小說作家 J. K. Rowling 作品《Harry Potter》為題材，配合類似寵物小精靈《Pokemon Go》遊戲一樣嘅 AR 擴增實境技術玩法進行遊戲。

遊戲以魔法世界面臨曝光危機作背景故事，玩家會以魔法部所屬國際機密保持法特別部隊新成員身分，挑選正氣師、魔法生物學者等唔同職業進行冒險，並以魔杖與邪惡巫師對抗。

而喺冒險中，玩家可以收集唔同嘅魔法生物，並將有原作角色登場。雖然目前只於美英等地推出，但遊戲早喺5月於紐西蘭、澳洲地區開放測試，相信香港等亞洲地區好快亦會相繼推出。