據外媒 9to5Mac 報道指，一位來自美國加州嘅11歲女童用 iPhone 6 睇片時突然自燃起火，幸好女童未有受傷，但床上毛毯被燒燬。目前 Apple 正在調查事件，並為女童提供新 iPhone 使用。

日前位於美國加州一名女童 Kayla Ramos，喺家中床上使用 iPhone 6 如常觀看 YouTube 影片時手機突然起火，及後女童隨即將手機扔到床上，令床上毛毯燒出多個窿。Kayla 接受訪問時指出，「我拎住手機坐低時發現火花四射，所以只能將手機扔到毛毯上」，佢續指「我當時就坐喺床上，而 iPhone 6 就將毛毯燒出幾個窿」。

女童嘅母親 Maria Adata表示，佢已經聯繫咗 Apple，並按照指示將手機送到服務中心。目前 Apple 向女童提供咗一部新手機，並開始調查爆炸原因，但對事件未有作出評論。而據了解，女童將使用嘅 iPhone 6 從未使用未經授權充電線及售後維修，但起火原因仍有待 Apple調查。

來源：9to5Mac