{ SKIP }
文:MenClub 路易斯  圖:互聯網
POSTED ON 15 Jul 2019

日前法國國慶日閱兵儀式上出咗一個好似蜘蛛俠敵人嘅綠魔 (Green Goblin) 現身,佢腳踏由渦輪發動機驅動嘅飛行踏板 (Flyboard),喺巴黎嘅香榭麗舍大街上空飛翔,而呢位「綠魔」仲手持住一支步槍,相信呢塊 Flyboard 會喺未來軍事嘅裝備之一。如果噚晚嘅警察有 Flyboard 咪唔使行扶身電梯囉,不過好似見唔到佢有委任證。

昨日法國於國慶日舉行閱兵儀式,除咗原有嘅軍人、戰車、戰機等,最令人注目嘅原來另有奇「人」,佢就喺飛行於巴黎香榭麗舍大街上空嘅「綠魔」,佢嘅出現風頭蓋過晒地面上嘅法國總統馬克龍及其他歐洲領導人。

其實呢塊 Flyboard 係由法國噴氣滑雪世界冠軍 Franky Zapata 所發明,佢喺空中飛行咗數十米仲手持步槍。而法國國防部官員向媒體介紹時表示,這種由微型渦輪噴氣發動機推動嘅飛行踏板,將來有可能用於法國特種部隊裝備上。

根據 Flyboard 發明者 Franky Zapata Twitter 上指出,佢本人係一位發明家,而且仲係企業嘅 CEO。呢個 Flyboard 設計非常輕巧,用家只係需要踏上板上就可以飛行,將來如果轉化為民用,相信可以解決好多交通擠塞問題,大家將來返工就唔怕塞車喇!

來源:Metro

換電高手要被滅絕了?
tech
【Apple出招了】iPhone以後唔可以周街換電啦!
19 Aug 2019
除了 Facebook Story 外,它旗下的 Instagram 亦同樣開放其功能,給大家發揮創意。
tech
【發揮想像力】Facebook 將開放 Spark AR 予所有人設計個人 AR 效果 ...
15 Aug 2019