{ SKIP }
文:MenClub 艾力克  
POSTED ON 25 Jan 2021

人工智能(AI)已經係21世紀不可或缺嘅技術,手機影相又用AI、語音辨識又用AI、更甚連病咗睇醫生都有AI診症。近年有公司更將AI技術應用喺人類社交上,擔當「月老」幫各位朋友拉紅線,呢項技術將來可能會愈來愈普及,你又點睇同會唔會用呢?

AI聊天機械人Lara (圖片來源:Match)

據外國網站《The Conversation》表示,近年網上約會行業發展迅速,行業價值估計高達40億美元(約310億港幣),當中「Match Group」公司可以話係行業巨頭,旗下有Tinder、Match、OkCupid及其他45個網上約會相關業務。Match入面就有個廣為人知(喺外國)嘅AI聊天機械人「Lara」,透過AI技術分析用戶同佢傾計嘅內容,得出用戶資訊同喜好,幫手配對一個「啱」嘅對象,仲可以教人約去邊到好。傾計內容差多邊範都有,傾如生活習慣、星座、興趣等多達50個唔同範疇嘅問題。

Badoo透過臉部識別技術幫用戶搵「似樣」嘅人。(圖片來源:Badoo)

除咗Match,其他交友Apps亦層出不窮用上AI技術幫用戶配對情人,例如英國嘅「Loveflutter」就會用AI分析傾計紀錄評估雙方感情狀態,建議一個最好嘅見面時機,又會推薦埋約會地點。另一個交友App「Badoo」就可以比用戶Upload一張理想情人嘅相,透過AI同臉部識別技術幫你Macth返個似樣嘅人。

《Black Mirror》第四季第四集「Hang the DJ」探討過交友軟件幫大家搵「Perfect Match」。(圖片來源:Netflix)

透過AI幫你篩走「唔啱」嘅人,睇落可以慳返唔少時間,但長期使用有關技術會唔會令網上交友都形成「同溫層」,變到永遠只係識返同類型嘅人確實值得深思。與此同時,究竟識返同類型嘅人好,定識吓同自己唔一樣嘅人好,都係老生常談問題。如果第時有類似AI支援中文,你哋又有無興趣用呢?

資料來源:The Conversation
自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024