{ SKIP }
文:九鼻子  圖:互聯網
POSTED ON 08 Jan 2016

每個人口味不同,有人食得保守,有人膽生毛,乜都敢試。

我有兩位認識超過10多年,來自嘅Seattle的鬼仔死党,佢哋每次嚟香港或上大陸都勁搞鬼,一個大膽乜都食,箭豬固然無問題,眼鏡蛇又得,飲蛇血「Good Good Good」亦冇問題;另一個喺鯉魚門蒸條魚,見到個魚頭就話:「Oh my GOD! Disgusting,I can't stand with this anymore。」就係因為佢不能stand,後來再去鯉魚門食飯,成班Friend特登就佢,搵條新鮮石斑起球,整碟粟米斑塊過佢,珍系吹漲!



我覺得,人一世物一世,乜都應該試下,食都未食過就拒諸「口」外,損失嘅,永遠係自己。 

好多人零舍揀飲擇食,唔like呢樣,怕嗰樣,原因來來去去都係嗰幾個,可能因為童年陰影、宗教信仰、因體質不宜進食某啲食物、某啲食物先天賣相差(例如海參),更可能係因為食物味道古怪難頂。

工作關係,經常周圍飛,交朋結友,哪怕你有幾古怪餸菜嘅飯局,都要硬住頭皮「上陣」,人在江湖,主人家大盤大砵煮到你面前,試問點推搪?

搵支好酒伴住食,一樣可以好開心。




樣衰系

田雞刺身(有片)

田雞斬件後並不噁心,味道鮮甜,質感似嫩滑雞肉。

家母以前偶爾煮薑蔥田雞飯,配點Rose香檳,天下一美味。

但食田雞食到日本人咁,碌皮生食兼放個頭係碟中間望住您,真係食唔落。唔信? 睇片吧!


禾蟲

砵仔焗禾蟲、焗魚腸,好多人都話難頂,小弟廣東人,很喜愛這兩款農家菜。

砵仔將蛋漿焗得焦香,令禾蟲、魚腸變得甘香,加少少芫荽、白胡椒粉更令人食過番尋味。

信我!要配玉冰燒或日本純米酒。






鴨仔蛋

小弟喺越南嘅菜館食過,無論賣相同氣味都相當難頂。不過,難頂還難頂,如果要配,可以考慮烈酒,例如高梁酒、威士忌、干邑,以酒嘅濃香,掩蓋鴨仔蛋嘅腥味。



雞子

朋友飯局打邊爐必備,不過,好多時得我或一兩個friend食。講真,雞子其實無乜味,最正係佢嫩滑加「口爆creamy」的口感,成件事好圓潤。

我會選配口感同樣圓潤的Meursault白酒。




好臭系

榴槤

榴槤毫無疑問係熱帶生果中最「重口味」嘅果王,HATE or LOVE的極品,厭惡者形容係貓屎,敬而遠之; 愛好者如我,普通泰國金枕頭已不能滿足其慾望,年紀大了,非馬來西亞貓山王不吃。多年來,仍未找到可跟榴槤匹配的葡萄酒。(如硬要配,不如不配)



臭豆腐

聞係臭的,特別經過旺角登打士街(近女人街),呢邊炸臭豆腐,嗰邊垃圾站,幾惡頂! 但食入口,點少許豆辦醬,再飲少許酸度高的白酒,例如Riesling,New Zealand Sauvignon Blanc ,咁樣配搭,都唔錯㗎!

(Image 7A,B,C)





納豆

氣味唔算濃烈,執筆本文前幾日,特意喺食壽司時呷了少許,入口淡而無味,古怪兼苦澀,總之係「壯烈犧牲」!同鴨仔蛋一樣,都可以用烈酒嘅濃香,去掩蓋納豆嘅「怪味」。唔信?Try Try la。



Blue cheese

好多香港人頂唔順藍芝士,但我偏偏覺得佢有咸香,就好似中國腐乳。配Sauternes貴腐葡萄甜酒啦!無得輸!




Su Callu Sardegna羊胃芝士

這種來自意大利 Sardegna的羊胃芝士,製作方法異常殘忍: 羊BB飲飽媽媽奶後即被屠宰,羊胃被取出吊起風乾發酵。

氣味異常羶! 如果您頂得順的,不妨配Vintage Port wine享受下吧!!!





CASIO G-SHOCK推出嘅「農家橡樹」GA-2100系列近年再牽起一股電子錶熱潮,品牌亦力推女性市場,繼2021年推出女性向嘅「GMA-S2100」系列後,最新又推出更嬌小、顏色更柔和嘅「GMA-P2100」系列,或者會係大家嘅情人節禮 ...
watchesandwine
【潮流】ITZY代言!G-SHOCK「農家橡樹」推更嬌小女裝版
22 Jan 2024
日本威士忌品牌「WHISKY MEW」主要銷售由日本著名威士忌收藏家「山岡秀雄」親自試出及推薦嘅威士忌,並經常與各大日本動漫作品合作推出聯乘作品。而最新嘅聯乘,就係同士郎正宗創作嘅著名Cyberpunk作品《攻殼機動隊 ...
watchesandwine
【日本】WHISKY MEW聯乘《攻殼機動隊》推限量威士忌
10 Jan 2024