之前先講過Apple打算拍動畫電影，最近又有報導指Apple正與芝麻街工作室(Sesame Workshop)簽署協議，涉足兒童節目製作。近期喺影視製作方面動作多多嘅Apple，睇嚟真係想學Netflix咁，推出網絡視訊服務喎！

消息指，Apple喺6月20日宣佈與荷里活芝麻街工作室簽署協議，並將會利用《芝麻街》節目品牌製作多個兒童節目，當中包括動畫劇集等。目前Apple未有公佈今次合作嘅財務細節，例如獲得獨家版權嘅費用。

有美國媒體披露，Apple喺今年已經拎咗10億美金預算去購買各種影視作品版權。但同Netflix相比，Apple仍然處於起步階段，因為今年Netflix喺原創影視作品嘅預算已經高達80億美金。而目前，喺版權嘅影視行業中，Netflix、Amazon及Hulu係3間領先嘅服務商，其中Netflix和Amazon嘅影視產品已經覆蓋全球多個國家。

來源︰Variety