依家好多人去食飯都唔係望住兜飯，亦都唔係望住同枱嘅人，甚至都唔係望住隔離枱條女，而係望住自己個電話，你又係咪其中一個？咁你又有冇曾經諗過又要夾起箸麵又要擰轉個頭睇電話好麻煩，所以諗「如果可以將部電話放埋落碗麵到就Perfect啦!」咁？

以下呢個由日本「高級毒物製造商(佢真係咁介紹自己)」Akiba Goods出嘅產品就完全可以滿足你嘅願望。你睇成個電話、甚至iPad隊落碗麵到都完全運作正常，係咪好神奇呢！

不過呢個產品有兩個問題：第一，佢賣成USD$72.99(約HKD$720)，都算係奢侈品；第二，就係佢賣嘅其實係碗「麵」－又或者準確啲，一碗麵咁樣嘅電話座。

雖然叉燒、荀、菜、麵同湯都一應俱全，但由於係用氯乙烯做的假食物(即係在餐廳門口做擺設嗰啲)，所以就算睇落好吸引都唔食得架。