大部份60後、70後都玩過嘅任天堂（Nintendo）手提遊戲機系列Game & Watch，最近在日本Yahoo Auction創出拍賣新紀錄。一部從未使用的新品《Vermin》以131,000日圓成交。

這部《Vermin》機仔最初以6000日圓起bid，經過17口出價後以13萬日圓成交。這宗交易一度成為日本懷舊電玩圈的熱話，原因大致有二。首先，《Vermin》的知名度，遠不及同期的《Donkey King》及《Octopus》，是次成交之高遠超過往的成交價。其次，目前任天堂DSi早於2009年已在網上商店DSi Ware發售賣兼容DSi版《Vermin》，而售價只係200日圓，咁計法，夠請655個friend每人download一次。

舊物呢樣嘢有時真係好難用錢衡量，尤其係部機咁直版冇玩過（兩粒用啤膠封裝的鈕型電池仲好企理），就好似初戀咁純潔，初戀啊！我要初戀啊！錢我大把！