{ SKIP }
文:MenClub 路兒  圖:互聯網
POSTED ON 23 Feb 2018
Elon Musk嘅太空夢除咗殖民火星同火箭當飛機呢類2046年先可能會實現到嘅計畫,仲有啲比較親民嘅;尋日佢旗下嘅航天科技公司SpaceX就成功發射咗兩枚人造衛星到太空,但就未如預期接回火箭頭嘅整流罩,白白跌咗600萬美金落太平洋。

昨日SpaceX利用Falcon 9火箭,成功為西班牙政府發射衛星PAZ,並將兩枚自家製衛星Tintin A同Tintin B順利送入離地球700英里嘅軌道。按Elon Musk嘅「Starlink」計畫,預期2019年前會發射至少800枚衛星,總共會發射近12,000枚衛星,建立全球最大嘅互聯網絡,速度更會接近5G。佢曾表示如果計畫成功,美國偏遠地區以至全球落後地方嘅人都可以用低價,享用到高速網絡服務,處理全球10%網絡流量。整個Starlink計畫仍然有待美國政府當局批核,所以今次Tintin A同Tintin B只係Demo衛星先頭部隊,預計需時至少20個月時間測試設計及平台可行性。


但整個發射過程都唔係一帆風順,SpaceX原本打算回收Falcon 9火箭上嘅整流罩再用,不過Elon Musk就承認計算有誤,待命嘅船「差幾百米」先接得住,結果整流罩跌咗落海。雖然冇明顯受損,但經海水浸過或者會有影響。一個整流罩約需要600萬美金,相等於火箭成本約十份一,所以SpaceX咁緊張要執返回收再用,Elon Musk唯有話下次整張大啲嘅網接住啦。
來源:Twitter, CNBC
來自麻省理工學院「AI生存安全」研究員Peter Park近日於學術期刊發佈論文,指出佢搵到多個AI講大話、作出迷惑人類行為嘅案例,並警告AI對於人類社會嘅威脅日益嚴重。 圖片:《智能叛變》 卻說擁有Faceboo ...
tech
【AI】研究發現AI識講大話、迷惑人類 專家警告或危害人類
16 May 2024
AI慢慢進入大家嘅生活方方面面,並開始引起一啲新嘅社會問題。例如早前有電話品牌內置嘅AI改圖功能,竟然能夠對相中人「一鍵脫衣」;而有類似「裸體化(Nudify)」功能嘅P圖App亦如雨後春筍一樣紛紛冒起,《New York ...
tech
【AI】OpenAI考慮容許開放ChatGPT用作生產色情內容
14 May 2024