Microsoft嘅Xbox領導人Phil Spencer，早前喺Xbox展前發布會提到已著手下一代Xbox主機。而佢日前接受Eurogamer.net訪問時明確表示，公司團隊正在開發下一代Xbox主機。

Phil Spencer喺訪問中仲指出，對於延續Xbox嘅品牌保持正面態度，又認為唔只係齋做，仲要積極咁面對Xbox品牌，並期待Xbox成為長期服務玩家嘅平台。

面對住手機等移動裝置，及雲端串流平台嘅威脅，對於被市場認為最容易受擠壓嘅家用主機而言，Phil Spencer表示電視仍然係重要媒介之一，又希望透過硬件升級及雲端服務普及，可以令Xbox長期服務玩家。