會追陽光嘅機械人實唔實用就唔知喇，但創意分十足！呢部孭住植物嘅機械人叫HEXA，佢喺需要時會走向陽光，令佢背脊上嘅植有充足陽光進行光合作用，但當HEXA判斷植物已經收集夠光線，配合計算溫度、濕度變化後，佢會走回陰影底下。

呢部會追陽光嘅HEXA由中國機械人專家孫天齊製作，佢透過改造旗公司Vincross製造嘅六爪玩具機械人，將植物放上HEXA頭上，令佢可以為植物提供充足陽光，同時HEXA仲可以同人類互動。

當植物水分不足需要淋水時，HEXA會踢腿嚟話畀主人知。

曬夠太陽就自動自覺返去陰暗處。

其實HEXA本身係一部靈活嘅六腳可編程機械人，係一部學習及開發機械人嘅理想硬件兼軟件平台。