六千幾買GR鏡頭　SH-01G

文：MenClub Patrick　　圖：MenClub
POSTED ON 31 Dec 2014

啲人講日系手機已死，唔覺唔覺都講咗幾年，但至今依然年中無休咁不斷有新款到港。冇錯，相比起愈賣愈平嘅韓系機，呢幾年日系機係冇咁好賣，不過日系機始終有班die hard fans，係唔理啲機愈嚟愈貴，只要有賣點，都一樣會買嚟玩嘅，唔可以話香港冇market。就好似呢季docomo旗艦機之一嘅AQUOS ZETA SH-01G，只要有Ricoh GR鏡頭認證呢個賣點，即使機價上到六千幾蚊，都一樣有舖頭夠膽入返嚟香港賣，相信真係會有人接貨，佢哋先會咁做。可以講句，接貨啲日系機fans，真係比蘋果粉更忠心！

docomo出貨少　水機被炒貴首先要老實講句，SH-01G賣到六千幾蚊，唔係spec.勁到識飛，主因係今年連docomo都掛住賣iPhone 6，唔太重視其他機，大幅減少咗出貨數量，所以水貨佬難咗好多先劏到機返香港賣，於是啲機就炒貴咗。尤其係SH-01G嘅紅同藍兩隻色，因為貨更加少，就算近日機價略下調番少少，都依然賣到$6,580，仲係比黑同白兩隻較為普通嘅色貴三嚿水（黑及白色版賣$6,280）。
紅及藍色版現售$6,580，白及黑色版現售$6,280。
王牌snap DC認證 Sharp生產嘅手機，影相功能不嬲都係最主打賣點，不過六千幾蚊一部機，若然賣點真係同其他機一樣，我諗再die hard都唔會買嘅，前面就提咗SH-01G嘅1,310萬像素鏡頭係得到Ricoh GR認證。Ricoh嘅GR系列DC，一直係備受推崇嘅snapshot相機，成像質素同色調都幾多人like。用手機影相講求咩啫？咪就係想好隨意都影到靚相之嘛，由Ricoh嚟監修手機鏡頭，可能比以前Nokia手機用蔡司認證鏡頭嚟得實際。
個鏡頭有少少凸起，有啲似iPhone 6 Plus喎。以主打影相功能嘅手機嚟講，手動設定唔算多，我覺得最好要加番光圈或曝光補償設定。預載幾個特效濾鏡，六千幾蚊，我預期有更多嘢玩。拍到4K影片，都算係高階功能。
夠銳利夠光猛經過初步試拍，筆者覺得SH-01G個鏡頭真係非常銳利，佢啲相放到好大嚟睇，線條都仍然好sharp，唔覺有出現油畫化或重noise問題。我用過好多手機，影啲相出嚟一睇就知係用手機影，但SH-01G啲相就完全唔會咁樣。 SH-01G個鏡頭嘅另一賣點，係有f1.9超大光圈，呢個優點更加明顯，我拎部機去到勁暗嘅暗角影試相，我自己部手機影出嚟就又黑又鬆郁朦，但SH-01G影嘅相就仍然好光猛兼清晰。
試相我拎人哋舖頭嘅sample機落街影吓試相，好似呢張咁，大廈上面啲物件，放大睇仍然好清晰，個鏡頭真係好銳利。除咗細緻度高，顏色亦都幾準。呢張相係喺勁暗嘅暗角影，睇落唔覺鬆郁朦呀！
IGZO屏幕勁光有時，我望住SH-01G個芒取景影相嗰陣，會覺得有少少over，之不過呢個唔關鏡頭事，原來係屏幕特點嚟。因為SH-01G繼續沿用近代Sharp手機用開嘅IGZO芒，呢種屏幕技術出名光猛，我幫其他手機影product shot嗰陣，永遠都係校到個芒最光嚟影，但SH-01G反而要校到得一半光亮度，個芒先唔會光得滯。所以，就算我行出街試機時，都唔使校到最光嚟用機，用暗少少嘅芒嚟睇住影相，反而會覺得當時嘅曝光啱啱好。但其實我校光咗個芒時影落覺得係over嘅相，去到電腦睇，其實曝光都係準確嘅。不過，我都係比較鍾意幾年前Sharp手機用嗰隻ASV屏幕，事關睇落顏色更加鮮艷；而家呢隻IGZO屏幕，雖然細緻度同可視角度都好高，但真係光到顯得好多顏色有啲淡。
試屏幕我望實機，呢個畫面比影出嚟更光，Google條bar近乎光到睇唔到。感覺上，用以前啲ASV屏幕睇呢種畫面，紅色會更加實。打側睇畫面嘅變色情況算輕微，不過都係光到白白哋。
超窄邊框設計 SH-01G喺外形上都仲有另一個特點，就係採用超窄邊框設計，屏幕上左右三方條邊真係幼無可幼，偷到機身最細，所以就算部機有5.5吋大芒，size都只係同4.7吋細iPhone 6差唔多，男士一手操控唔算困難。其他規格方面，SH-01G就唔算好突出，都係行Qualcomm Snapdragon 801四核心2.3GHz處理器，RAM仲要只有2GB，未去到多數人期望嘅3GB。同埋因為日本LTE頻譜問題，SH-01G嚟到香港雖照樣上到4G network，但就去唔到香港最高嘅下載速度，有時接收亦可能會差少少。但SH-01G都具備其他日系機好少見嘅Hi-Res音效功能，能夠播放24bit/192kHz嘅WAV及FLAC無損格式歌曲檔案，多樣嘢玩。
男人單手用機算幾輕鬆。屏幕上左右兩邊嘅邊框真係幼無可幼。芒頂冇位放前置鏡頭，所以調咗去芒底。 9.6mm機身唔算薄，音量-掣可以當埋快門掣用。 nano SIM同microSD卡槽設喺機頂。背蓋冇得打開，但機身具備IP5/7級防水功能。跑分成績唔算好勁，僅僅跑贏LG G3，不過呢部機唔係sell效能嘅，夠用就好了。
docomo AQUOS ZETA SH-01G規格售價：白/黑色$6,280、紅/藍色$6,580（水貨）系統：Android 4.4 制式：FDD-LTE、WCDMA、GSM 屏幕：5.5" 1,920x1,080 IGZO 處理器：Qualcomm Snapdragon 801四核心2.3GHz 記憶體：2GB RAM 鏡頭：後置1,310萬像素、前置210萬像素儲存空間：內置32GB、microSDXC（最高支援128GB）電池：3,300mAh 防水：IP5/7 體積：141x76x9.6mm 重量：159g 查詢：三禾電氣　2374 0718

COMMENT

KEYWORD

docomo AQUOS ZETA SH-01G, 日系手機, Ricoh GR認證

< PREVIOUS

2015男界時裝潮流must-have top 10

2014-12-31

NEXT >

原來莎賓娜的擇偶條件係……？超驚喜！莎賓娜與MENCLUB的問答環節 ... ... ...

2014-12-31

SOMETHING NEW

社交平台已經成為大家生活密不可分嘅一環，但素來「玩Social Media」就真係得個「玩」字，係唔會帶來直接收入。不過Meta近日就宣佈會於Threads上推出「獎金計劃」，以及吸引創作者留喺Threads並持續創作有吸引力嘅內 ...

tech

【社群】高達5,000美金 Meta向受邀Thread創作者發獎金

02 May 2024

主打多項AI功能嘅華為Pura 70系列上周正式開賣，多個型號短時間內被搶購一空。不過，有用戶就發現機內嘅AI修圖功能，竟然可以去除部份衣服，生成出性感激凸身材，引起網民熱烈討論。事後華為回覆傳媒，承認AI演算法 ...

tech

【科技】華為手機AI一鍵修圖功能變「一鍵脫衣」引熱議！官方：已修復漏洞

26 Apr 2024

SOMETHING YOU LIKE

啲人講日系手機已死，唔覺唔覺都講咗幾年，但至今依然年中無休咁不斷有新款到港。冇錯，相比起愈賣愈平嘅韓系機，呢幾年日系機係冇咁好賣，不過日系機始終有班die hard fans，係唔理啲機愈嚟愈貴，只要有賣點，都一樣會買嚟玩嘅，唔可以話香港冇market。就好似呢季docomo旗艦機之一嘅AQUOS ZETA SH-01G，只要有Ricoh GR鏡頭認證呢個賣點，即使機價上到六千幾蚊，都一樣有舖頭夠膽入返嚟香港賣，相信真係會有人接貨，佢哋先會咁做。可以講句，接貨啲日系機fans，真係比蘋果粉更忠心！

docomo出貨少　水機被炒貴首先要老實講句，SH-01G賣到六千幾蚊，唔係spec.勁到識飛，主因係今年連docomo都掛住賣iPhone 6，唔太重視其他機，大幅減少咗出貨數量，所以水貨佬難咗好多先劏到機返香港賣，於是啲機就炒貴咗。尤其係SH-01G嘅紅同藍兩隻色，因為貨更加少，就算近日機價略下調番少少，都依然賣到$6,580，仲係比黑同白兩隻較為普通嘅色貴三嚿水（黑及白色版賣$6,280）。
紅及藍色版現售$6,580，白及黑色版現售$6,280。
王牌snap DC認證 Sharp生產嘅手機，影相功能不嬲都係最主打賣點，不過六千幾蚊一部機，若然賣點真係同其他機一樣，我諗再die hard都唔會買嘅，前面就提咗SH-01G嘅1,310萬像素鏡頭係得到Ricoh GR認證。Ricoh嘅GR系列DC，一直係備受推崇嘅snapshot相機，成像質素同色調都幾多人like。用手機影相講求咩啫？咪就係想好隨意都影到靚相之嘛，由Ricoh嚟監修手機鏡頭，可能比以前Nokia手機用蔡司認證鏡頭嚟得實際。
個鏡頭有少少凸起，有啲似iPhone 6 Plus喎。以主打影相功能嘅手機嚟講，手動設定唔算多，我覺得最好要加番光圈或曝光補償設定。預載幾個特效濾鏡，六千幾蚊，我預期有更多嘢玩。拍到4K影片，都算係高階功能。
夠銳利夠光猛經過初步試拍，筆者覺得SH-01G個鏡頭真係非常銳利，佢啲相放到好大嚟睇，線條都仍然好sharp，唔覺有出現油畫化或重noise問題。我用過好多手機，影啲相出嚟一睇就知係用手機影，但SH-01G啲相就完全唔會咁樣。 SH-01G個鏡頭嘅另一賣點，係有f1.9超大光圈，呢個優點更加明顯，我拎部機去到勁暗嘅暗角影試相，我自己部手機影出嚟就又黑又鬆郁朦，但SH-01G影嘅相就仍然好光猛兼清晰。
試相我拎人哋舖頭嘅sample機落街影吓試相，好似呢張咁，大廈上面啲物件，放大睇仍然好清晰，個鏡頭真係好銳利。除咗細緻度高，顏色亦都幾準。呢張相係喺勁暗嘅暗角影，睇落唔覺鬆郁朦呀！
IGZO屏幕勁光有時，我望住SH-01G個芒取景影相嗰陣，會覺得有少少over，之不過呢個唔關鏡頭事，原來係屏幕特點嚟。因為SH-01G繼續沿用近代Sharp手機用開嘅IGZO芒，呢種屏幕技術出名光猛，我幫其他手機影product shot嗰陣，永遠都係校到個芒最光嚟影，但SH-01G反而要校到得一半光亮度，個芒先唔會光得滯。所以，就算我行出街試機時，都唔使校到最光嚟用機，用暗少少嘅芒嚟睇住影相，反而會覺得當時嘅曝光啱啱好。但其實我校光咗個芒時影落覺得係over嘅相，去到電腦睇，其實曝光都係準確嘅。不過，我都係比較鍾意幾年前Sharp手機用嗰隻ASV屏幕，事關睇落顏色更加鮮艷；而家呢隻IGZO屏幕，雖然細緻度同可視角度都好高，但真係光到顯得好多顏色有啲淡。
試屏幕我望實機，呢個畫面比影出嚟更光，Google條bar近乎光到睇唔到。感覺上，用以前啲ASV屏幕睇呢種畫面，紅色會更加實。打側睇畫面嘅變色情況算輕微，不過都係光到白白哋。
超窄邊框設計 SH-01G喺外形上都仲有另一個特點，就係採用超窄邊框設計，屏幕上左右三方條邊真係幼無可幼，偷到機身最細，所以就算部機有5.5吋大芒，size都只係同4.7吋細iPhone 6差唔多，男士一手操控唔算困難。其他規格方面，SH-01G就唔算好突出，都係行Qualcomm Snapdragon 801四核心2.3GHz處理器，RAM仲要只有2GB，未去到多數人期望嘅3GB。同埋因為日本LTE頻譜問題，SH-01G嚟到香港雖照樣上到4G network，但就去唔到香港最高嘅下載速度，有時接收亦可能會差少少。但SH-01G都具備其他日系機好少見嘅Hi-Res音效功能，能夠播放24bit/192kHz嘅WAV及FLAC無損格式歌曲檔案，多樣嘢玩。
男人單手用機算幾輕鬆。屏幕上左右兩邊嘅邊框真係幼無可幼。芒頂冇位放前置鏡頭，所以調咗去芒底。 9.6mm機身唔算薄，音量-掣可以當埋快門掣用。 nano SIM同microSD卡槽設喺機頂。背蓋冇得打開，但機身具備IP5/7級防水功能。跑分成績唔算好勁，僅僅跑贏LG G3，不過呢部機唔係sell效能嘅，夠用就好了。
docomo AQUOS ZETA SH-01G規格售價：白/黑色$6,280、紅/藍色$6,580（水貨）系統：Android 4.4 制式：FDD-LTE、WCDMA、GSM 屏幕：5.5" 1,920x1,080 IGZO 處理器：Qualcomm Snapdragon 801四核心2.3GHz 記憶體：2GB RAM 鏡頭：後置1,310萬像素、前置210萬像素儲存空間：內置32GB、microSDXC（最高支援128GB）電池：3,300mAh 防水：IP5/7 體積：141x76x9.6mm 重量：159g 查詢：三禾電氣　2374 0718