尋日Samsung就為最新SUHD TV系列舉行發布會，今次發布會主打曲面電視，而且升級Tizen SMART TV功能之後，令畫質同功能都大大提升，而且新系列曲面電視尺寸由40”到88”都有齊，適合大小家居。

現場最大部的78”用上無縫框，令機身渾然天成，倍添貴氣。

曲面屏幕立體感更強
近年唔少廠都興推出曲面電視，皆因曲面比平面電視可以提供更闊嘅視角，同時又可增強立體感，而且邊緣畫質保持得更好，至於另一好當然就係夠威，放部喺屋企朋友嚟到都讚兩句先啦，所以貴一倍，型幾倍，值得 ！不過曲面電視都有少少缺點，就係比較容易受環境光線影響，而且角度太側睇就會令畫面變形。

隨機連one connect外接盒，方便整理和接駁電線。

為配合弧形電視，Samsung更推出弧形soundbar，售價$4990起。

首度推出48”以下曲面電視

前文提到視角太側會令畫面變形，但其實如果選擇適當的尺寸同埋觀賞距離，就可以將影響減低。今次推出SUHD TV系列電視由55”至88”，全部都用上4200R視覺弧度設計，最適合嘅觀賞距離為3至5米，配合自動深度強化技術幫助，令畫面更有臨場感，打機睇戲都特別震撼。

其實除咗大屏幕嘅SUHD TV系列之外，今次首度推出48”以下嘅Curved UHD TV，分別有48”同40”兩個版本，更專登為配合屏幕尺寸而改用3000R弧度，令大家可以喺2至3米距離就有曲面嘅影院級感受。

64倍色彩顯示

畫質絕對係選購電視嘅首要考慮，SUHD TV就用咗顯示色彩比傳統電視多64倍嘅Nano Crystal Black Panel，層次感強而且色彩又準。除此之外，SUHD TV亦加入SUHD影像重繪引擎同埋高點照明技術，可以提升色彩還原力兼比傳統電視高2.5倍亮度調整。不過個人在現場睇過畫面，就覺得顏色對比度太強，而且亮度太高令暗位冇晒細節，反而感覺有少少失真。

Tizen系統 智能升級

話晒Samsung SMART TV都係首批結合智能系統嘅電視機，所以佢哋嘅智能電視亦做得比較出色，而且用埋Tizen系統之後就愈來愈成熟。今年Samsung全線SMART TV都會用晒自家嘅Tizen系統，呢個開放源碼為平台嘅系統可以更方便開發apps，變相令大家可以喺電視上用到更多唔同功能。其實今次Tizen已經將Samung Smart Hub升級，成個用戶界面比以前更加就手同人性化，而且仲可以將手機同步到電視，結合新加入嘅Morning Briefing功能，就可以設定SMART TV自動開機示顯即日天氣、時間同日程表資料，方便大家一起身就可以安排整日行程。

新界面下大家可以一邊上網，一邊睇戲，唔使再擔心操作界面會遮住成個畫面。

利用Quick Connect同埋Morning Briefing功能就可以將手機資料同步到電視機。

供貨日期及建議零售價：

查詢︰Samsung

電話︰3698 4699

網址︰www.samsung.com