上年CEATEC展覽時曾經推出過概念原型嘅Ozon，喺今年展覽終於推出升級版比原型更輕更細。用鈦金屬製造嘅Ozon，具備IP67防水能力，利用無線方式叉滿一次電可以用到2日。Ozon戒指入面已經裝咗CPU、動作感應器、觸碰感應器、震動裝置、藍牙同NF組件，能夠代替電視機同冷氣機嘅遙控，又可以變成手機或電腦嘅解鎖，甚至可以記低3D手勢，進行唔同遙控操作，應用非常廣泛，將會喺物聯網中擔當中央控制嘅重要角色。目前已經有唔少大廠睇中呢個發明，而Yamaha同Toyota都係其中一份子，仲考慮合作推出支援Ozon嘅產品添。首批Ozon將會連SDK比開發者設計對應程式，預計下年就可以量產。

16Lab