早排同大家介紹過利用激光擊落機用嘅自動砲台，而今次介紹由Battlelle推出嘅Drone Defender就可以隨身攜帶，，只要安裝喺步槍上面，就能夠以無線電方式干擾無人機，以GPS同ISM頻率令無人機變得不受控制，之後就會降落。由於Drone Defender唔係用子彈，所以擊落無人機之後唔會發生爆炸或者著火等問題。除此之外，Drone Defender嘅反應時間只需0.1秒，大家唔使擔心無人機飛走都未開到槍，而且Drone Defender更有5小時續航力，快得嚟又好持久。

雖然暫時未知Drone Defender會賣幾錢，但公司發言人話Drone Defender大家都負擔得起，預計出年初就會推出。不過大家唔好諗住咁易買到，事關涉及到無線電，出入口都會有好多管制，就算大家買到都要跟足手續，一陣唔小心犯法就唔好了。