呢個名為「Wattway」嘅太陽能道路計劃，係由道路公司Colas同當地太陽能研究院合力而成。佢哋將多層樹脂聚合物鋪上超薄嘅多晶矽太陽能板，令太陽能板可以轉化太陽能為電力之餘，亦令耐久度可以應付道路使用。如果唔係鋪喺繁忙嘅道路，一般可以有20年壽命。目前4米長嘅太陽能板產生嘅電力，已經足夠一個家庭使用，當局計劃未來5年內完成1000公里長嘅太陽能路，目標為500萬人提供環保電力。

至於興建道路嘅費用，法國當局就計劃增加包括石油、媒炭同天然氣等化石燃料嘅稅課，預計將會得到大約3億歐元資金，大約係26億港元。人哋起夠1000公里嘅環保道路都係26億，對比下我哋無底嘅大白象工程同班金腰帶，除咗粗口之外真係唔知講咩好了。