是咁的NERF玩具槍仍然好安全，依然好善良兼老幼咸宜，但前提係唔好改裝到好次呢枝巨型NERF咁！有外國神人就將NERF手槍版改裝成巨型版，由3000磅氣壓降壓到80磅輸出，威力仍然驚人。巨型NERF用渠泵做子彈，彈速64公里，而且射程超過100米。

由於主持Mark Rober同班甥仔玩時成日被佢哋用手槍圍射，所以佢今次帶住巨型NERF進行大反擊，班甥仔一見到巨砲即時鳥獸散嘅情景真係好搞笑。頭先提到，呢支巨型NERF本身有3000磅氣壓，咁佢嘅真正威力係點？節目請上嚟嘅Ryan同David呢兩位工程師就同大家示範，改用火藥之後一槍足以粉碎個西瓜，所以佢哋射完之後一槍之後，自己都嚇咗一跳！