地球暖化問題持續，今年每個月嘅平均溫度都係歷史新高，而7月同8月更同列有記錄以來最熱嘅月份，喺冇受厄爾尼諾經影響下，平溫溫度比NASA由1951年至1980年嘅記錄高出攝氏0.98度。除此之外，由2015年10月起，已經連續11個月都錄得單月平均溫度新高，亦顯示全年溫度已經比19世紀末高咗攝氏1.25度。其實Goddard Institute for Space Studies(GISS)主任Gavin Schmid博士年初就預告過呢個可能性，直到近日佢終於喺Twitter證實。

至於早排話太陽黑子活動影響地球會進入小冰河時期，好多人都以為可以緩和暖化，但毫無數據support，真係信佢一成，雙目失明啦。其實全球暖化問題愈來愈嚴重，而且啱啱過去嘅9月，大氣二氧化碳濃度更超過400ppm呢數危險數值。根據2015年底通過嘅巴黎氣候協定，希望可以將全球平均氣溫升幅控制喺攝氏2度之內，而最理想係維持溫度升幅喺攝氏 1.5 度以下。不過如果唔盡快實行碳捕捉技術，要達到巴黎協定目標睇嚟困難重重。