「有圖有真相」。呢句說話由我懂事開始就成為我嘅左右銘。我深信世間的一切魑魅魍魎都唔會逃得出我的金晴火眼！可惜道高一尺，魔高一丈，世界上除左萬惡的Photoshop之外，近年興起嘅美圖秀秀同自拍神器一次又一次咁欺騙我地真摰嘅感情。就好似當年我喺大學識個師妹，睇佢FB啲相就眼大尖面好吸引，點知真人原來係餅面粗腿似碌棍，我嘅弱小心靈又一次受創。

但老實講，嗰個師妹雖然貨不對辦，但起碼都仲叫認得出，比起以下呢位日本水著女星河合さち就已經算係好厚道。河合さち以「國立大學生」的名義出道，初期憑住喺Twitter的自拍照同水著封面惹起討論。我地先睇睇佢咩料子先！