每次去親M記都會經歷一次「究竟加唔加大好？」嘅天人交戰。唔加好似又唔夠飲，但加咗錢杯嘢飲落又好似冇多到，真係頭都R爆。

有Youtuber就收集咗世界各地M記嘅「大、中、小」杯返黎比較，當中都有香港份。雖然同美國比，香港的「大、中、小」杯都比較小，但其中「中杯」與美國的差異特別大，驟眼睇同細杯分別唔大，但同大杯的差距就比較明顯。

條片都做咗啲唔同嘅比較：例如原來美國的大杯是日本大杯的1.5倍，甚至連美國的中杯都比日本大杯要多。而新加坡和加拿大的大杯就比美國的大杯更多，是八個國家中最大的。

好啦，咁你問個結論係咩？個結論就係，下次應該叫走冰。