日本經典格鬥漫畫《龍珠》大受大人小朋友歡迎，並且係80、90年代大家嘅回憶，《龍珠》由漫畫到改編成動畫、電玩遊戲、Figure、電影等等作品，都一直受大家關注，而且廣受世界各地歡迎。

而國外製作團隊RobotUnderdog就自編自導自製咗一條13分鍾嘅短片《七龍珠Z-希望之光》，放咗喺Youtube同大家分享，動畫效果比得上荷里活級嘅製作，而且角色全部都係俊男美女，於是立刻造成400幾萬點擊率，引起轟動。

RobotUnderdog所製作嘅《龍珠Z-希望之光》，係靠群眾募資網站indiegogo籌備資金，由一群忠實Fans合力製作而成，雖然只係短短13分鍾嘅短片，但動畫效果驚人。

而影片片段包含人造人17、18號、少年杜拉格斯同埋悟飯對戰嘅經典場景，場景逼真之餘，最突出嘅係18號係由一位金髮美女所飾演，18號仲鐲一頭俏麗短髮改成飄逸長髮，令人眼前一亮，而且性感又冷酷嘅眼神仲電死唔少粉絲。