由於畫師眾多，所以前一頁與後一頁嘅風格可以相差好遠。

James先將指定所有「出演」《AKIRA》嘅《Simpson》角色，然後再將《AKIRA》漫畫拆成三百幾份，分畀唔同畫師執筆。劇情方面都係照跟《AKIRA》，但就將原本嘅「新東京」改成「春田市(Springfield)」、「日本」改成「美國」，原來嘅「美國」就改成「中國」。畫師們亦都可以喺唔影響主線的情況下加入自己的創作。另外值得一提嘅係《BARTKIRA》入面嘅所有電單車，根據設定其實都係滑版黎。

包括呢一架。

之於呢個理論上係二次創作，實際上係明抄嘅作品，算唔算係犯法呢？其實連James同Ryan自己都唔知。但一方面佢哋將賣書(睇係唔使錢，但曾經出過一本畫集)和週邊嘅錢全數收入捐去NAKA-CON，資助重建喺2011海潚被摧毀、同時為大友克洋故鄉的官城縣，以及《Simpsons》的創作人之一Sam Simon曾經捐助的「救助兒童會(Save the Children)，所以嚴格上並非「商業活動」。另一邊廂，大友克洋和兒子大友升平都表示欣賞作品，而一向關心有關《Simpsons》二次創作的Matt Groening又冇黎聲氣，相信當係默許佢哋嘅創作！

除咗上網睇全集(http://www.bartkira.com/) 之外，由今個8號開始到21號喺東京「白線」美術館都會有作品展。