無法戀愛男人特徵

文：MenClub Mean娜　　圖：互聯網
POSTED ON 13 Mar 2015

「點解我一直冇拖拍？！唔通連個天都唔鍾意我？？」冷靜呀人兄！其實長期冇拖拍未必關個天事，好有可能係你個人有某啲特質，令你「難以戀愛」，甚至係「無法戀愛」，先導致一直單身。
韓國綜藝節目《I am a man》早前就請來一班仲等待緊初戀嘅男生，傾到佢哋認為自己無法戀愛的原因，大部份人都認為係因為唔了解女人、性格優柔寡斷同埋樣貌所造成。而喺節目中，幾乎都認為「你的樣子如何你的日子也必如何」係冇拖拍嘅最大關鍵！

不過都有網民提出，其實有時唔關個樣事，無法戀愛男確實存在某啲特徽，長期單身嘅男士又睇吓自己中唔中箭？
1.以為持續向對方表現自己的愛意，對方就會接受，卻不知道女生對你的行為無動於衷，即係代表唔喜歡你。

2.當女生對自己表現得親切少少，就以為佢對自己有意思，表現出很心動嘅樣子，即是發「佬」姣。

3.心儀的女生對其他男生表現較為親切時，就認為對方喜歡上該男生，於是傷心自動放棄呢段感情。

4.無辦法以開玩笑的方式對女孩講「漂亮」、「可愛」等說話。

5.同女生交往之前，心裡面總覺得「自己未Ready好」

6.明知道要做咩先可以親近到女仔，身體卻很誠實地唔識點做。

7.告白失敗時，總會認為係方法出錯造成，而唔諗下係咪自己個人有問題。

8.陷入單戀狀態時，覺得自己全世界最悲哀嘅人，只會自怨自艾。

9.到死都不肯承認自己「眼角太高」的事實。