唔好講威士忌啦，舊冰型到咁，你飲緊可樂都殺死女啦！但好抱歉，呢啲冰你有錢都買唔到！因為呢個其實係廣告公司TBWA\Hakuhodo為日本三得利(Suntory)所設計嘅硬照廣告。利用一個叫「CNC Router(唔係上網嗰啲)」嘅特別儀器，造出以各地名勝及其他雜七雜八(對唔住，我真係搵唔到個共通點)嘢為主題嘅冰雕。

即係如果你真係咁想自己整，可以自己用Autocad畫圖＜再用600美金~150000美金不等買返部CNC ROUTER慢慢雕。又順帶一提，Suntory為咗雕刻時唔會整融啲冰，仲特登將部機雪到零下七度，換言之你可能要買埋個雪房先做得到啦！