范爺套《武則天》明明Sell靚人靚衫靚Body，但一個唔該畀人話尺度太大，斬剩個頭！以為CCTVB會足本播放啦！點知個個鏡頭都用小畫家加功過，遮晒胸前兩嚿肉，幾咁無癮！

武媚娘就話任睇唔嬲啫，換著你條女點計先？緊係唔望得啦！衰在天氣熱，著低小小又露溝又露波，引晒啲麻甩仔；叫佢打個底，又話咁熱著多件好焗……妖！真係想剪塊布畀條女遮住個胸！

喂！咁你睇呢篇文就啱晒喇！Mean娜喺網上見到個封胸神器，真係要推薦畀你條女同武才人用喇！

呢個神器就係Boob Apron，話就話係封胸神器，其實咪又係布一塊。

條片話有唔同顏色選擇，方便襯埋衫。細細塊布仔帶出街，適合於任何場合，想低胸時除咗佢，想封胸時扣返佢，唔怕著多件打底衫熱之餘，又唔會感覺著厚咗，影響整體觀感。

不過其實我覺得咁嘅布仔真係唔駛特登買，求其搵啲舊衫褲，剪個不規則形都仲得，反正都扣喺入面，鬼睇到你Cut得靚唔靚，總之係布就得，一定多款過你同佢買囉！