作為一個男人，你有冇幻想過如果自己可以好似其他動物咁「天賦異稟」，人生會係點樣過？文青就試過親眼目睹大笨象屙尿嘅「五隻腳」奇景，第一時間就諗到，如果我有佢咁長，平時咪要好似撒亞人條尾咁盤喺條腰到先得？

但又唔係每種雄性動物都咁值得我哋羨慕嘅！近日網上面就(又再)流傳一組「假如人類像動物般做愛」Gif，除咗可以當變變變生命力睇，仲可以告誡自己，做人其實好幸福－－最多咪用多兩張紙巾！

作為咁多小昆蟲中最有大俠Feel嘅螳螂，其實係有同類相食嘅習性，亦導致雌性喺交配時會將肥螳螂呀唔係雄螳螂嘅上半身食咗。一方面為咗吸取營養，另一方面亦為咗解除雄螳螂腦內嘅仰制神經，令精子不停進入體內。換言之交配完之後，雄螳螂係由上到下都比人柞乾咗啦，係咪好羨慕呢？

蚯蚓係雌雄同體，但異體交配嘅動物，換言之即係一條蚯蚓會有齊雌雄性器，但自己唔會同自己交配。而兩條蚯蚓交配時就會將各自嘅雄孔對上對方嘅受精囊，而又由於普遍蚯蚓嘅雄孔與受精囊分別位於頭部與腹部，如果人做嘅話就有概會係咁樣樣。

大部份青蛙采用體外愛孕嘅方法繁殖，一般而言係雄性爬到雌性嘅背上，你排卵時我放精。如果換成人做嘅話呢……

以防萬一你唔知咩係鮟鱇魚，比埋張圖你就應該認得出。鮟鱇魚雌性體積比雄性大幾十至幾百倍，而且雄性消化功能係成年後會漸漸失去功能，所以必須寄生於雌性身上先可以生存。而所謂嘅交配，就係指雄性鮟鱇魚憑氣味搵到雌性，再一口咬落去，然後兩者血管互通、雄性慢慢退代直到成為雌性身上一個攜帶式精囊嘅過程，都算係世界上最徹底嘅食軟飯啦。

藤壺即係黏喺岸邊岩石、船身甚至鯨魚身上，有如一個個灰白色小火山嘅生物，屬於節肢動物一種。由於本身不能移動，所以交配方式係伸出陰莖去探索附近其他藤壺(為雌雄同體)，亦因為咁，藤壺嘅陰莖係動物界中按比例計最長嘅！而且又長又識自己周圍揈，唔知點解令我諗起《3D肉蒲團》添…