近日天氣時好時壞，一時上午就陽光普照，但下午就無啦啦成個天都黑晒，幾分鐘之間，就風起雲湧，馬上閃晒電行晒雷咁，大雨到阿媽都唔認得，的確好濕滯。行雷閃電又落雨，咁麻煩，Mean娜當然唔鍾意，不過龍友們就未必咁諗，因為變幻奠測的天氣，都係佢哋影相的題材之一，特別是閃電，如果捕捉得好，其實可以拍得好靚。

日本呢期天氣都麻麻，同香港情況差不多，不過大家似乎都冇因為咁而影響心情，反而好興奮咁影靚相。影咩相？就係影「雷擊東京晴空塔」！

位於日本東京都墨田區的東京晴空塔(東京スカイツリー)，又有東京天空樹、新東京鐵塔之稱。喺2011年獲得金氏世界紀錄認證為「世界第一高塔」。呢座電波塔高634公尺，無論遠睇定近睇，都係一座非常壯觀的建築物。不少人都鍾意影呢座塔，而最近就有一組「雷擊東京晴空塔」的照片，非常震撼人心。