正所謂吃不到的葡萄是酸的，溝不到的囡囡是醜的。唔少人都因為自己得唔到，就抱住酸葡萄心態，批評呢樣唔好、嗰樣唔好，好似之前高登有位囡囡拍咗條片，就批評港男對女生諸多要求，有身材嘅就話人冇樣，有樣嘅就話人哋冇身材，有樣有身材嘅又話人把聲難聽，有樣有身材把聲好聽嘅又話人整容，有樣有身材把聲好聽嘅又天然嘅又話人MK……總之對方一定有缺點，一定唔好！但話人嗰個永遠都唔會檢討自己，只會一味憤世嫉俗。

我知，溝唔到女，係好慘；我都知，做青頭仔，係好7。但如果唔一改自己心態，勇敢踏出第一步，只會喺電腦背後做嫌三嫌四的鍵盤戰士，咁你真係可以成世食自己。就好似日本媒體街頭調查時，發現處男最常講嘅嘢，一聽就知你係葡萄L，唔變就永遠都係0。

第一句︰「 三次元都係垃圾！」
可能因為大多數秋葉原的宅男（毒男）都係處男，平時畀人類歧視得多，只會沉醉喺二次元世界當中，認為二次元虛構嘅女孩子先係最完美，所以對真實的人類，都會諸多批評。咁抗拒人類，好難唔做處男喎Ching。

第二句︰（對女生講）「快啲去拍AV啦！」
唔知點解，處男對靚女又或者較為開放嘅女生都抱有敵意，見到人哋著得少布，行為大膽，就認定佢遲早都下海拍AV。呢種心態可能係因為自己得唔到，或者人生中畀靚女睇唔起，所以都唔希望對方有好日子過。

第三句︰「女人就係咁架啦！」
好明顯就係因為溝唔到女，所以先發脾氣認定全世界女人都難應付啦。