Sor9ry~Mean娜都知超低能勁搞笑呢句嘢out咗好耐，亦都知道就咁加個adj+noun做標題好冇誠意，但我一見到個所謂「舉中指裝置」嘅gif，就即刻趴晒枱笑到gap gap聲！完全諗唔到有咩比超低能勁搞笑更適合形容呢嚿嘢XDDDDDD（原諒我這一生不羈放縱笑點低）

好好好，自high完入返正題，循例都要有個intro嘅。正所謂「人生不如意事十常八九」，成世人流流長，邊有咁多quota畀你喪流男兒淚丫，真係唔怕畀人笑咩！遇到黑仔事情發生，一邊向左走向右走地hi佢auntie咪算9數囉~男人，睇得開架嘛~

不過，唔係人人都值得我哋開金口，有啲人真係膠都廢時派，慳返啖氣好過，就不如畀隻「凸(0_0)凸」中指佢啜吓好過。

咩話？！畀自己隻中指佢啜都嫌佢啲口水污染你隻手指？得！咁就出動法寶~登登登凳~「舉中指裝置」，畀隻膠手指佢啜啦！嗱嗱嗱！下圖呢個就係「舉中指裝置」，佢會代替你伸出寶貴嘅中指，以無聲勝有聲嘅氣勢去hi人auntie，係咪聽到都想要返個呢？

其實呢個「舉中指裝置」係可以自己整嘅。首先將膠手套套喺空膠樽出面，然後將中指塞入樽口裡面。