女人就話要一世「毛」休啫，但對雄糾糾嘅男士而言，毛髮就係Man嘅象徵，如果好似女人腳咁白雪雪滑捋捋，仲冇Face屎啦！之不過咁，古語都有云︰「物極必反」，有腳毛固然重男人味，不過如果啲腳毛多到一個點Over晒，好似叢林咁炸晒出嚟，睇落污糟邋遢，咁就變成重口味喇。

放心～唔係水你剃晒啲毛佢，只係削薄啲毛佢啫。其實女士脫毛產品中，有一種專For修剪陰部毛髮嘅剃刀，可以整理到妹妹嘅毛毛整整齊齊，唔會亂七八糟咁倒胃口，不過男士就好似唔覺眼有呢方面嘅產品……但原來日本係有呢種男士Product架！登登登凳！就係呢個LegTrimmer(レッグトリマー)男士剃刀！