呢期《Pokemon Go》hit到爆，外國人人都沉迷周街收服小精靈！雖然香港人仲未有得玩，但係一個二個都刨晒資料，整裝待發去做小精靈訓練員，不過計我話，作為一個男人，呢個髦聞畀你得到數十隻小精靈，都只係一時嘅浪漫，遠不及得到你女人嘅心咁浪漫一輩子吧？但又如果，魚與熊掌都可兼得，又得到小精靈，又得到你女人嘅心，咁又點計先？我諗用以下呢系列比卡超戒指去求婚，應該可以幫你達成齊人之福掛（又係首先你要系列）

而另一款結婚戒指，仲有兩隻比卡超守住粒鑽，如果你女人鍾意比卡超，見到實勁冧豬！（不過應該更多男人會想得到呢隻戒指）

另外仲有款較簡單嘅比卡超Pat Pat對戒，啱晒情侶一齊戴～

鍾意浮誇啲，亦都可以考慮下呢隻份量十足嘅耿鬼戒指，一樣咁Cutie！

而家訂購嘅頭400位，仲可以得到精靈球戒指盒添！用嚟裝住鑽戒求婚，真係連男人都想倒返轉頭嫁畀你呀！