你以為Jady會即刻心心眼投懷送抱呢？咁你就錯啦，因為佢再一次認唔出眼前呢個男人就係保特，於是佢又繼續自己玩。直到凌晨5點，Jady準備飛的返歸，咁啱又喺的士上面嘅保特就再叫保安請Jady上車。一上車保特就做返自己嘅招牌勝利甫士，Jady先認得出佢係邊個。而根據Jady嘅說法，喺上車九秒後——兩個人就開始瘋狂熱吻，Jady形容當時保特就好似想食咗佢塊臉咁(謎之音：佢想食咗你咋！)。

由於兩人語言不通，所以要拜託的士司機代為翻譯。保特就坦言自己想返屋企，Jady亦了解到保特係睇中咗自己。佢喺專訪到形容「對於被選中我感到很榮幸，我真的不太能相信。我當時有一點害怕，但他很幽靈，而且我很享受在他身旁——我們花了很多時間在熱吻。」

佢兩個連同保特嘅兩位友人坐咗30分鐘的士，再轉五分鐘接駁巴士去到保特所住嘅牙買加奧運選手村。縱然有保安把守(選手村晚上九時後禁止非選手入內)，但保特帶住Jady掂行掂過，啲保安問都冇問一句。亦可能係知道保特冇時間答，因為佢同Jady治路都咀緊。入到房之後，保特播住Rihanna嘅《Work》沖咗個涼，仲一路沖涼一路跳舞氹Jady開心。之後等Jady都沖完涼，兩個人終於都開始正事。不過只係維持咗十分鐘——唔係！唔係因為保特唔得，係因為佢阿媽打電話黎。真係一個孝子。

「雖然我們溝通不是很順利，但我了解到電話內的是他媽。他說了大概兩分鐘電話就回到正事來。」之後兩人享受咗40分鐘親熱時間，抖咗半個鐘，然後又黎多20分鐘。「我很享受我們在床上的時間。我以為他會很快完事，但那是我做過最慢的一場愛。」

之兩人就交換咗Instagram，保特又拎返啲相出黎曬下命，再教Jady點樣擺佢個招牌甫士之後，屋企仲有一仔一女嘅Jady就要返歸。保特於是畀咗100歐元佢坐的士，仲送到佢出Lift門，並且相約殘奧時會再約會喎。事後Jady將當晚同保特嘅合照放上自己嘅Whatsapp群組，件事就通咗天。亦係到有朋友話佢知，佢先知保特係有個正印女友。

縱然係咁，Jady話如果下次保特再黎里約，佢都好願意出黎再相聚。「我當然很願意再與他見面，他有我的電話號碼，可以隨時打給我。」

圖片及來源：The Sun