成日都話女人心鬼咁脆弱，下下都要小心講嘢，因住Hurt到佢嘅玻璃心，正所謂「容易受傷的女人」嘛～點會唔明先得架？但事實上更多時候都係「最毒婦人心」，一個個弱質女流講嘅嘢都鬼咁惡毒，猶如利刃，把口話個男人冇心肝，就真係當佢連個心都冇，句句嫌棄說話都直插心房……將心比己，公主們，男人對住自己愛人一樣都好玻璃心，搞到一地玻璃碎兩個都受傷就唔好啦……

日本論壇《2ch》就討論過「曾被女女講過邊啲殘酷說話」，結果網友紛紛留言道出傷心事，除咗最經典嘅「入咗去未？」作為男人嘅你，覺得邊句最hurt先？

「你真係好煩好噁心好心快啲去死啦！」

「扮晒紳士咁。」

「十足個蘿莉控。」

「你好臭。」

「你好噁心。」

「同你一齊真係好無聊。」

「以後我嘅人生都唔會有你」

（喺電梯撞到時會同人講）「唔好呼吸」

「冇鬼用」

「你有種耕田嘅味道。」

「你整咗個樣喇？」

（對親戚嘅小朋友講）「大哥哥生得咁醜，估計成世都結唔到婚。」

（對喜歡嘅女仔表白，對方話）「點解要對我做咁討厭嘅事？」

「早泄」

「居然仲追星，好噁心。」

「你會唔會到40歲都仲係單身，你真係搵到女朋友咩？」

嗚哇！！！連鼓起勇氣表白都要畀人話討厭，真係唔想做人喇！！！！