見到「小心地滑」、「睇到一地濕晒」呢啲字眼，巴打們都知咩事啦～唔使解釋啦～

Actually，除咗男人見到女性豐滿嘅胸部、纖細嘅蛇腰、結實嘅翹臀、白滑嘅美腿……會睇到扯晒……火，怒叫︰「點解條女可以咁L正？唔可以原諒！」之外，女人一樣會被男性嘅身體吸引，如果唔係當年A&F請班洋腸猛男坐陣，啲囡囡就唔會9衝過去啦！亦因為男人深明肌肉嘅魅力，所以先會keep住操fit副body～但其實對於女人而言，除咗腹肌胸肌二頭肌之外，男人身上仲有好多部位都好好J，你又知唔知你邊part成日畀人偷偷視姦？

鎖骨

其實唔只男人覺得女人嘅鎖骨性感，女人一樣愛J男人嘅鎖骨，點解？冇架，鎖骨係好J嘛……有得解架咩？靚囉……有美感囉……大多數人嘅喜好囉……

酒凹

有酒窩係笑得特別Charm嘅～無論男女男男女，都係咁話！特別平時cool cool哋又man man哋嘅男仔，笑起上嚟又要有酒凹咁鬼cute，都真係幾殺食。

大髀

雖然而家男生女相嘅韓仔當道，但仲有好多女仔係鍾意充滿陽剛味嘅男人，特別見到男人大髀結實嘅線條，睇見都和味。

喉核

喉核係男人嘅重要特徵之一，雖然講唔出有咩咁好J，但睇見條仔飲水時喉核郁下郁下，又會覺得好鬼性感<3

筋肉

想當年好多女同學都會J男同學嘅手前臂，特別係打開籃球嗰啲，肌肉結實得嚟又會浮少少筋，畀人感覺好man好大力咁，係一種力與美嘅藝術！

手

唔講唔知，好多女仔都會留意男仔嘅手，除咗會望指甲是咪乾淨整齊外，一雙靚嘅手仲會令女仔心動不已。

肩膀

女仔膊頭橫就好似好大隻，唔討好；但男仔膊頭橫就夠晒man，啱啱好，仲好有安全感添！

背肌

身邊唔少男性朋友淨係操手臂操胸肌同操腹肌，但就忽略咗背肌，偏偏好多女仔都會望實你背脊喎！點解？因為好多時男仔都會行喺女仔前面，幫佢開路、保護佢、帶領佢，所以女仔好多機會會望男仔背部，如果背肌好出，隔住衫都見到佢嘅movement，堅係man爆。