黎到2016大事回顧第三集，本身我就想同大家介紹下2016最好賣嘅AV女優，可惜嘅係最能夠做參考指標嘅DMM網站，目前只係公佈咗2016下半年嘅銷售數字，全年嘅就未公佈，所以為咗準確啲，我決定等佢出咗先再講。而第三集我就轉為介紹啲我未必好出名，但大家好應該要認識嘅AV女優！

AIKA

呢位早於2011年出道嘅「黑肉辣妹」女優，憑住高強嘅戰鬥力、廣闊嘅戲路，成為近年爆發性發片嘅單體女優。雖然我覺得佢剪短咗頭髮之後有啲似男人、把張柏芝咁款嘅鵝公喉又係幾趕客，但憑佢單單係2016年就已經出過超過200部作品(單人、合演、合集總計)，換言之即係兩日唔夠就有一套新嘅上市，仲要雄據DMM上半年銷售榜第一位、下半年第六位(不斷更新中)，睇黎日本班影迷就幾鍾意佢啦！

佐々木あき

上年十月挾住「最強三十路人妻」之名出道、據稱係35歲嘅佐々木あき不單止樣Keep得好，身材亦相當唔錯，再加上敏感嘅體質、可S可M嘅戲路，令佢成為繼AIKA之後又一個瘋狂發片嘅單體女優。唯一隱憂係上半年成為DMM銷售榜第三名，但下半年就急跌到51位。但近排又有消息指佢會「兩穴解禁」，相信銷售又會再進一步啦！

跡美しゅり

如果話AIKA係最強黑妹、佐々木あき係最強人妻、咁跡美しゅり就可能目前最強嘅蘿莉。係，係佢胸無四兩肉，衰啲講你個胸可能都大過佢，但纖瘦嬌小嘅身形、可S可M(唔好怪我用得多，但係要戲路廣闊先可以不停發片)，都令佢成為業界最強蘿莉！

椎名そら

以(自稱)街頭歌手身份出道，椎名そら亦係今年瘋狂發片嘅女優之一。出道初期佢同另一位女優月島ななこ組成蕾絲邊組合，以女同形象拍片，後來就「單飛」成長，游走於各大片商之中。同以上嘅女優唔同，佢相對地偏向M系角色，但睇到身形纖細嘅佢被男優欺負又確係幾賞心悅目嘅！

市川まさみ

以「SOD宣傳部員工」之名於2015年頭出道，玩咗年幾兩年之後終於喺SOD Star正式AV出道。身材唔錯、技巧都唔錯，而且除咗眼鏡之後美貌直頭有飛躍性嘅進步。仲有另外一個原因你需要知道佢——因為有人話佢有啲似游蕙禎BB。

RION

OKOK，我知佢唔算係「未必出名」，但最後我都想講講呢位「神之乳」。之從佢以「宇都宮」之名引退，再用「RION」之名復出，理應就會成為AV界嘅一姐，可惜嘅係因為先後有三上悠亞同高橋しょう子出道，立時就令佢嘅受注目度大大下降——不過咁樣未必唔係好事。因為自從復出之後，佢唔單止有開自己嘅Twitter，亦有出席公開活動，就連上個星期佢所屬嘅經理人公司T-Powers開年終派對，一向神出鬼沒嘅佢亦有出席。其意義在於，RION唔係諗住搵一筆快錢就再次消失，而係希望繼續經營自己嘅女優身份！假如佢再收一收身、解多幾次禁，話唔定可以威脅到三上、高橋嘅地位！