同班兄弟圍威喂，梗要有幾Set獅威、生力、藍妹、麒麟、傍住先似樣，啤唔晒，咪掉呀！有用架！

雀巢咖啡大減價，工人seafood痕，人買佢又買，掃幾罐返嚟，得個擺字冇人飲，咪掉呀！有用架！

有幾好很用？用嚟煮，用嚟食囉！放心，知你班大爺成日話自己日里萬機，女朋友唔係身邊嘅日子，未必有feel玩煮飯仔，但淨係用電飯煲煲飯，唔使好多力啫，有冇興趣玩玩？

用啤酒同咖啡煲飯？係唔係路呀？冇呃你。千奇百趣日本仔呢期又有新搞作，舊年玩番茄飯，呢期興玩咖啡/啤酒煲飯。

唔使O咀，真係直接用飲品代替清水，放晒入飯煲煮。聽落都係奇忍怪，但日本有網友話味道ichiban，話雖一樣文吔百樣人，總有人話好食，但即使勁難食，都係一次過，唔好味，就等佢回歸大自然囉！

先講咖啡煮飯。有日本網民喺Twitter分享自己炮製嘅咖啡飯，share心得同食譜，堅認真。

材料：飯、罐裝無糖咖啡、調味料

步驟好簡單，煮飯時要落幾多水，就落返同等份量咖啡，然後照常用電飯煲烹煮，叮一聲，埋位有得食。

日本網民教路，用無糖或深度烘焙咖啡（例如炭燒咖啡），味道更出色

網民話︰

1.咖啡飯其實有少少似泰式芒果飯。

2.用有奶或有糖咖啡煮，成品似咖啡甜品。

3.用無糖咖啡，須加入鹽等（雞汁？）調味料。

4.日本網民建議用無糖咖啡，可塑性較高，更易貼近大眾接受能力。

嫌咖啡有浸炭火烘焙味？試吓啤酒煮飯囉！講真，啤酒煮飯較易接受，平時都聽唔少人用啤酒煮餸，例如啤酒煮蜆、啤酒炆牛肉，啤酒雞中翼 ，紅酒白酒等等差唔多做法。

平時用啤酒煮食物，可以去除腥味雪味，咁啤酒煮飯又會點？睇過咪知囉～

材料︰

1.白米2mug
2.雞脾肉125g
3.蒜頭1瓣
4.麻油2茶匙
5.淡口味醬油2湯匙
6.鹽1/4茶匙
7.啤酒350毫升一罐
8.青蔥2條

步驟︰

1.青蔥切粒