【歐聯超級金球】C朗拿度驚天倒掛洗爆板！

文：MenClub 波特先生　　圖：互聯網
POSTED ON 04 Apr 2018


尋晚歐聯8強正式展開，其中率先出場嘅係皇馬vs祖雲達斯及拜仁vs西維爾，而其中前者當然更為受矚目，最終憑住C朗拿度個人梅開二度，再加上馬些路嘅入球，皇馬作客以3:0擊敗對手，殺入四強嘅機會可以話勁高！
You couldn’t ever convince me that @Cristiano isn’t a legend #CR7 pic.twitter.com/Ic7JcptIYY — Δ Γ Τ Ι Ξ (@Arturoaldana7) 2018年4月3日
而C朗尋晚攻入嘅兩球當中，更有一記足以載入足壇歷史嘅超級金球，而呢一球甚至可以成為C朗職業生涯至今為止最靚最靚嘅入球。

喺比賽下半場63分鐘，當時皇馬已經憑住C朗嘅入球1:0領先，而翼鋒華斯基斯先黎一記勁射，但被門將飛身撲出，其後右邊衛卡華積得球後，喺右邊禁區邊線位置成功傳中，雖然人前波後，但C朗並無放過機會，佢向後衝向皮球然後施展《足球小將》主角戴志偉嘅絕技 - 倒掛金勾，再次攻破祖記大門，而門將保方面對呢一球完全無反應。另外，主場嘅祖記球迷見到呢一球都企晒起身拍掌，就知呢一球有幾震撼啦！

@Cristiano Ronaldoooooooooo simply a beast of scoring outrageous goals #Vivaronaldo #Halamadrid pic.twitter.com/gUsXxPHq56 — Cristiano Ronaldo (@ApoyoRonaldo) 2018年4月4日

呢個入球係C朗拿度生涯第一個名正言順嘅倒掛入球，作為領隊施丹見到後其後應亦難以置信，可想而知呢個入球究竟有幾靚！

而有數據顯示，C朗呢一球倒掛完全顯示其驚人嘅彈跳力及身體質素，因為佢倒掛射中波嘅位置，高度達到2.1米，比對方守衛足足高左22cm！

雖然C朗今季季初表現低迷，但進入賽季下半程，佢完全進入狀態，而喺歐聯就更加係遇神殺神、遇佛殺佛，狀態成功進入巔峰，要再一次帶領皇馬衛冕歐聯冠軍絕對唔係無可能嘅事！