{ SKIP }
文:MenClub 熊熊  圖:互聯網
POSTED ON 14 Sep 2018

由舊年開始話會推出嘅Switch Online 服務,早前話今年第三季會推出,而任天堂正式宣佈會喺今個月嘅19號(星期三)正式推出哩款服務。有玩過其它主機嘅Online 服務都知,哩啲服務一定唔係免費,咁一直以嚟免費用緊哩項服務嘅機主們,點解要畀錢買哩項服務呢?等我哋睇下有咩咁特別啦!

在商而言,推出一款額外嘅服務有所收費係無可口非。現今世代,online對戰係一個必備嘅服務。你都唔想個online server 唔穩定又唔順㗎,畀少少錢就可以買個穩定(都要睇正式推出後嘅情況而定),一年畀百幾蚊又唔算貴丫!

在玩家而言,哩款係增值服務,同你買完隻Game 再買DLC 差不多,但可以買到5個服務,算係咁啦。

1) Online 對戰:雖然哩款服務一直免費畀大家用緊,但一直以嚟,回應都係麻麻,希望收咗錢之後會好啲。

2) 免費NES遊戲:小熊一直覺得,Switch 不斷翻炒冷飯,小熊一早稱佢為官方模擬器,依家老任真係推出哩項模擬器服務,可以免費下載當年紅白機(Famicom),暫時嚟講一個月會推出三款,十月份就有:所羅門之鍵、熱血高校閃避球同埋Mario Golf。

3) 雲端儲存記錄服務:一直以嚟,Switch 嘅SAVE只可以保存喺部主機入面。如果部機咁唔好彩壞咗或者唔見咗部機,一直努力嘅心血真係...依家推出雲端儲存服務,畀大家一個保障。

4) Switch App:相信係機主都知,部Switch 係無「咪」嘅,仲要無得駁藍芽通訊設備,最絕係連有線耳機連咪都無,所以要同朋友邊傾邊玩,根本無可能。唯有用第三方解決方案,出一個電話app去解決本身主機設計上嘅缺陷,如果唔係本身機自帶嘅話,我用電話傾會唔會穩定啲呢?再唔係開Skype 多人會議都得啦!期望佢有更創意嘅功能。

5) 會員福利:算係會員福利?係會員先可以訂購嘅產品!如果用到金幣換就真係會員福利啦⋯⋯

價錢方面,以日本server 為例,300円可以玩30日,最抵梗買年費會籍啦!2400円,即係港紙大約港紙168蚊(7算計)左右,比其它主機平,重點係每個月都有紅白機嘅舊game 玩,平均每個月畀14蚊買啲舊紅白機game  懷緬一下,都算玩得過嘅。同埋真係搵齊到8個人做大家庭嘅話,平均40蚊就玩到一年嚕!

美國果邊亦同步喺18號(時差關係,無特別早咗)推出Nitendo Switch Online 服務。

對紅白機有返咁上下資歷都知,美版主機同手掣都唔同樣,所以會員限定品都有所不同。

美國server 平啲,156蚊就買到一年會籍,同買電子版game 情況大致相似。不過服務同免費game 有機會唔同。

日本嚟緊3個月嘅Game list

雖然依家暫時三個月嘅game 都係一樣,但日本同美國嘅口味唔同,啲game 遲啲會有分別都未頂,建議跟返自己口味去決定join 邊個server,唔好只因為平果十蚊八蚊,到時轉嚟轉去。

以紅白機嘅game 量,暫時官方發佈只屬少量,以前啲game 出名襟玩同可玩性高,唔知Switch 會唔會真係成為官方模型器呢!(小熊期待忍者龍劍傳同埋熱血系列)

【影音討論】音響線材改善聲音是謊言? 坊間一路以來都有一些網路的文章,點出音響市場的種種都是賺錢的謊言,其中一項是指出線材的謊言。指出某些商家包裝指出高價線材會改善音質乃音響的謊言。 而評 ...
hobby
【影音討論】音響線材改善聲音是謊言?
19 Sep 2018
Marshall推出智能喇叭支援Google Assistant 享譽全球的英國結他amp製造商Marshall轉向音響市場投入推出全新智能喇叭。 Marshall已經落實即將推出兩款智能喇叭,並將於今年秋季上市銷售,而且承諾將推出更多影音 ...
hobby
【英式經典】Marshall 推出智能喇叭支援Google Assistant
19 Sep 2018