2015　雷神誕生

文：MenClub Patrick　　圖：MenClub
POSTED ON 04 Feb 2015

故事是咁樣開始的：話說到咗2015年，世界正舉行「新世紀GPX Cyber Formula」大賽，14歲天才車手風見車人，誤打誤撞坐上佢爸爸設計嘅高智能方程式－－雷神，從此代表菅生車隊（Sugo）出賽，仲贏埋2015年第10屆Cyber Formula大賽冠軍。 91年創作嘅動畫，預言今年會出現具備人工智能嘅賽車，結果冇實現到，但係識同車人傾偈嘅「雷神」系統，卻如期喺2015年誕生，仲駕臨埋香港添！

熱血粉絲DIY 見到動畫劇照同雷神「實物」相，係咪又勾番起晒各位嘅童年回憶呢？雖然《高智能方程式》最後一套OVA《SIN》，都已經係15年前嘅事，但係從早排介紹Cyber Formula玩具睇到，原來好多MenClub讀者都係CF fans，而且仲好懷念呢套動畫。不過大家懷緬呢套作品，頂多只會翻煲動畫N次，或者買啲車模型玩吓，講熱血，就點都唔及唔願意出鏡嘅香港fans Philip喇！事關呢部雷神，係佢親手DIY整出嚟！
兩邊6盞LED燈會視乎輸出音量大細嚟着，當音量夠大、6盞燈着晒嗰陣，雷神中間4隻「眼」就會轉一個圈。但係都可以熄咗佢唔轉，因為Philip驚揸車嗰陣成日轉，會令人分心。 Philip只係用3M貼將雷神貼喺錶板上面；底座入面有個摩打，可以手動90度左右轉。
功能等如藍牙喇叭當然，呢部雷神冇真嘅人工智能，唔識指引大家揸車同開動升壓渦。各位睇完段片，應該明白佢實質係咩嚟，冇錯，佢其實等如一個識擰識轉識着燈嘅藍牙喇叭。擺佢喺錶板上高，再經藍牙駁埋手機，手機發出咩聲，雷神就識出咩聲，除咗可以用嚟聽歌，仲可以為手機導航系統揚聲。Philip話只要搵啱藍牙配件，對應iPhone Siri都應該冇問題，到時某程度上真係有得同「雷神」傾偈（雖則連佢都未試過）。不過計我話，將佢當handsfree咁用最正，叫你朋友chok個雷神腔講句：「車人，到咗極限喇！」你再應番句：「今日嘅我冇極限！」型爆！
Google Maps嘅導航語音，可透過雷神發出嚟，令雷神變成女聲。雷神要經電線向車取電；電線仲連接住控制器，上面有音量調校、轉動開關、藍牙開關等掣。
首辦外殼塞零件今次Philip借畀我試玩呢部圓碌碌嘅雷神，個造型喺OVA《Double One》先開始出現。其實呢個已經係佢整嘅第7部雷神，之前佢亦整過TV動畫元祖雷神（Asurada GSX）嗰個長方形款。手工咁精緻，到底係點整嘅呢？Philip話外殼其實係日本官方出嘅首辦，買番嚟之後，將裏面啲膠挑空晒，塞啲喇叭、mic、聲音sensor、LED燈、摩打入去，就做到咁嘅效果。講就好似好易，但其實Philip整第一部嗰陣，試咗足足幾個月，而家雖然熟手咗，但都要成個月時間先整到一部。佢話最難係喺咁細個首辦入面放咁多零件，好難就位。
雷神首辦本身是咁樣的。Philip話其實呢套首辦都停產咗好多年，愈嚟愈難買番，所以而家多數買台灣老翻嚟整。細微如電線，Philip都想跟足動畫用番紅色嘅。元祖雷神（左）大嚿好多，Philip話易整啲，但始終冇圓形雷神咁靚，所以多數fans都係要求佢整圓形款。
Fans留名話想要我知大家實問佢做乜整咁多部雷神？係因為自從Philip喺網上公開咗成品之後，好多CF fans聯絡佢，想佢幫自己整番部，結果佢幫人整咗5部，剩低兩部留嚟自用同收藏。之前為咗整得更似，Philip專登再翻睇咗全套動畫一次，務求要睇清晒雷神所有detail。其實而家呢部，有啲地方佢都仲未滿意，例如未搵到動畫入面雷神嗰隻藍色油去噴外殼；遲吓佢仲想整到撻車嗰陣，雷神會跟足動畫咁講「視網膜確認」等幾句嘢，整埋實更加型！都係呢句：很想要吧？有性趣不妨email畀Philip，問吓佢得唔得閒整？通定水畀大家知，連工包料大約兩千蚊一部。 Philip電郵：[email protected]
歷代雷神 Asurada GSX．TV動畫．1991 Super Asurada 01．TV動畫．1991 Super Asurada SA-01/C．OVA《Double One》．1992-1993 Super Asurada AKF-11．OVA《ZERO》．1994-1995 ν-Asurada AKF-0．OVA《SAGA》．1996-1997 ν-Asurada AKF-0．OVA《SIN》．1998-2000
最後，我肯肯定Gentlemen當中實有人話唔想要雷神，想要明日香！So99y，呢樣我諗就算畀錢叫你條女去韓國都整唔到呀，死咗條心佢啦！（備註：請容筆者為保留兒時回憶，以港版譯名「雷神」同「車人」稱呼佢哋。）

COMMENT

KEYWORD

Cyber Formula, 高智能方程式, 雷神, Asurada

< PREVIOUS

約會時不應出現的5種服飾襯搭

2015-02-04

NEXT >

王子公主童話夜

2015-02-04

SOMETHING NEW

經過多年猜測，Giancarlo Esposito終於確定加盟MCU，但未有透露飾演邊個角色，只係話「比你想像中更好」！據外媒《TheWrap》報導，憑出演《Breaking Bad》而為人熟悉嘅「炸雞叔」Giancarlo Esposito， ...

hobby

【影視】「炸雞叔」Giancarlo Esposito確定加盟MCU！但似乎不是飾演X教授

06 May 2024

《魷魚遊戲》韓星李政宰今次將化身為絕地大師，著手調查一連串謀殺事件... iframe width="560" height="315" src="https://www.youtube.com/embed/H4FrtyD_2Hw?si=h70EiHojhdC1MMXf" title="YouTube video play ...

hobby

【影視】李政宰化身絕地大師！星戰外傳劇集《The Acolyte》公開最新預告

06 May 2024

SOMETHING YOU LIKE

故事是咁樣開始的：話說到咗2015年，世界正舉行「新世紀GPX Cyber Formula」大賽，14歲天才車手風見車人，誤打誤撞坐上佢爸爸設計嘅高智能方程式－－雷神，從此代表菅生車隊（Sugo）出賽，仲贏埋2015年第10屆Cyber Formula大賽冠軍。 91年創作嘅動畫，預言今年會出現具備人工智能嘅賽車，結果冇實現到，但係識同車人傾偈嘅「雷神」系統，卻如期喺2015年誕生，仲駕臨埋香港添！

熱血粉絲DIY 見到動畫劇照同雷神「實物」相，係咪又勾番起晒各位嘅童年回憶呢？雖然《高智能方程式》最後一套OVA《SIN》，都已經係15年前嘅事，但係從早排介紹Cyber Formula玩具睇到，原來好多MenClub讀者都係CF fans，而且仲好懷念呢套動畫。不過大家懷緬呢套作品，頂多只會翻煲動畫N次，或者買啲車模型玩吓，講熱血，就點都唔及唔願意出鏡嘅香港fans Philip喇！事關呢部雷神，係佢親手DIY整出嚟！
兩邊6盞LED燈會視乎輸出音量大細嚟着，當音量夠大、6盞燈着晒嗰陣，雷神中間4隻「眼」就會轉一個圈。但係都可以熄咗佢唔轉，因為Philip驚揸車嗰陣成日轉，會令人分心。 Philip只係用3M貼將雷神貼喺錶板上面；底座入面有個摩打，可以手動90度左右轉。
功能等如藍牙喇叭當然，呢部雷神冇真嘅人工智能，唔識指引大家揸車同開動升壓渦。各位睇完段片，應該明白佢實質係咩嚟，冇錯，佢其實等如一個識擰識轉識着燈嘅藍牙喇叭。擺佢喺錶板上高，再經藍牙駁埋手機，手機發出咩聲，雷神就識出咩聲，除咗可以用嚟聽歌，仲可以為手機導航系統揚聲。Philip話只要搵啱藍牙配件，對應iPhone Siri都應該冇問題，到時某程度上真係有得同「雷神」傾偈（雖則連佢都未試過）。不過計我話，將佢當handsfree咁用最正，叫你朋友chok個雷神腔講句：「車人，到咗極限喇！」你再應番句：「今日嘅我冇極限！」型爆！
Google Maps嘅導航語音，可透過雷神發出嚟，令雷神變成女聲。雷神要經電線向車取電；電線仲連接住控制器，上面有音量調校、轉動開關、藍牙開關等掣。
首辦外殼塞零件今次Philip借畀我試玩呢部圓碌碌嘅雷神，個造型喺OVA《Double One》先開始出現。其實呢個已經係佢整嘅第7部雷神，之前佢亦整過TV動畫元祖雷神（Asurada GSX）嗰個長方形款。手工咁精緻，到底係點整嘅呢？Philip話外殼其實係日本官方出嘅首辦，買番嚟之後，將裏面啲膠挑空晒，塞啲喇叭、mic、聲音sensor、LED燈、摩打入去，就做到咁嘅效果。講就好似好易，但其實Philip整第一部嗰陣，試咗足足幾個月，而家雖然熟手咗，但都要成個月時間先整到一部。佢話最難係喺咁細個首辦入面放咁多零件，好難就位。
雷神首辦本身是咁樣的。Philip話其實呢套首辦都停產咗好多年，愈嚟愈難買番，所以而家多數買台灣老翻嚟整。細微如電線，Philip都想跟足動畫用番紅色嘅。元祖雷神（左）大嚿好多，Philip話易整啲，但始終冇圓形雷神咁靚，所以多數fans都係要求佢整圓形款。
Fans留名話想要我知大家實問佢做乜整咁多部雷神？係因為自從Philip喺網上公開咗成品之後，好多CF fans聯絡佢，想佢幫自己整番部，結果佢幫人整咗5部，剩低兩部留嚟自用同收藏。之前為咗整得更似，Philip專登再翻睇咗全套動畫一次，務求要睇清晒雷神所有detail。其實而家呢部，有啲地方佢都仲未滿意，例如未搵到動畫入面雷神嗰隻藍色油去噴外殼；遲吓佢仲想整到撻車嗰陣，雷神會跟足動畫咁講「視網膜確認」等幾句嘢，整埋實更加型！都係呢句：很想要吧？有性趣不妨email畀Philip，問吓佢得唔得閒整？通定水畀大家知，連工包料大約兩千蚊一部。 Philip電郵：[email protected]
歷代雷神 Asurada GSX．TV動畫．1991 Super Asurada 01．TV動畫．1991 Super Asurada SA-01/C．OVA《Double One》．1992-1993 Super Asurada AKF-11．OVA《ZERO》．1994-1995 ν-Asurada AKF-0．OVA《SAGA》．1996-1997 ν-Asurada AKF-0．OVA《SIN》．1998-2000
最後，我肯肯定Gentlemen當中實有人話唔想要雷神，想要明日香！So99y，呢樣我諗就算畀錢叫你條女去韓國都整唔到呀，死咗條心佢啦！（備註：請容筆者為保留兒時回憶，以港版譯名「雷神」同「車人」稱呼佢哋。）