{ SKIP }
文:MenClub 魏文青  
POSTED ON 27 Feb 2024

《Elden Ring》嘅DLC《Shadow of the Erdtree》早前正式公佈預告咁發售日期,而相信一眾「褪色者」睇完條預告後都充滿問題。日前外國遊戲媒體《IGN》就同《Elden Ring》製作人宮崎英高進行咗個專訪,當中宮崎英高除咗進一步透露《Shadow of the Erdree》嘅故事、世界觀等重要情報之外,甚至透露出未來會開發更多《Elden Ring》DLC嘅可能性。

應該就係所謂嘅「黃金樹暗影」
位於蒙格溫王朝嘅「米凱拉隻手及繭」
預告中出現嘅新敵人之一,宮崎英高表示係某種古老武器

宮崎英高首先提到,預告一開始出現、位於蒙格溫王朝嘅「米凱拉隻手及繭」,就係玩家們觸發DLC故事、進入「幽影之地(Land of Shadow)」嘅地方。從設定上而言,幽影之地係被「黃金樹的陰影」所籠罩(就如本傳中黃金樹照耀大地嘅相反)、「技術上與交界地佔據同一空間,但因為目前唔可以講嘅故事原因而從物理上被斷開連接」嘅土地。其大小會同本傳中嘅「寧姆格福」地區差唔多,而且同樣有廣闊嘅土地,大型地下城以及中小型遺跡。

而故事方面,宮崎英高就指出除咗大家都估到嘅米凱拉之外,女王瑪莉卡亦係重要人物之一。「米凱拉過去進入幽影之地,而玩家們會追蹤他的步伐,嘗試了解當地發生過甚麼事。而另一主軸則是女王瑪莉卡以及她在幽影之地做過的事,是甚麼令到米凱格要跟隨她進入幽影之地。」

背景中嘅王座,與本傳中「惡兆王 蒙葛特」Boss房中,理應屬於一眾半神嘅王座屬同款

宮崎英高亦提到於預告中非常搶眼嘅紅髮Boss「梅瑟莫(Messmer)」,並指佢係整個DLC嘅重要人物。佢指預告中曾出現梅瑟莫坐於「王座」上嘅畫面,而嗰張王座,其實係本傳中「惡兆王 蒙葛特」Boss房中,理應屬於一眾半神嘅王座同款,換言之梅瑟莫應該與一眾半神擁有同等地位,但就因為未知原因而被除名,反而去咗幽影之地。

難度方面,宮崎英高就指出DLC中會有一個難度上「被調較成類似瑪蓮妮亞」嘅Boss,但就並非主線Boss,換言之只係為想挑戰自己嘅玩家而設。

最後,當被問題《Elden Ring》未來仲會唔會再出DLC時,宮崎英高表示雖然目前冇開發DLC 2嘅計劃,但「我唔想話《Elden Ring》已經全部完結…我唔希望否定呢個可能性。未來我們或者會有新想法。」

資料來源:IGN

睇完《Dune: Part Two》意猶未盡,又唔知第三集幾時上映點算好?嚟緊會有一部講述姐妹會起源故事嘅前傳劇集《Dune: Prophecy》即將上架! iframe width="560" height="315" src="https://www.youtube.com/embed ...
hobby
【影視】《Dune》前傳劇集《Dune: Prophecy》公開首部預告 聚焦姐妹會起源故事
20 May 2024
等咗好多年嘅《GTA 6》終於有具體發售時間!Rockstar Games母公司Take-Two Interactive日前於財報宣布,《GTA6》將於2025年秋季正式登陸PS5及Xbox Series X/S平台,至於PC版發售日期就仍然未有消息。 雖 ...
hobby
【電玩】Take-Two確定《GTA 6》將於2025年秋季發售
20 May 2024