主角清志。處男。暗戀千代、但又喺監獄中與花學姐有一段「孽緣」。真人版由《阿南的小情人》中川大志飾演。

諸葛岳人，通犒「葛人」，沉迷《三國志》嘅宅男，亦係男生中嘅智囊。由《我們都是超能力者》中有出色表現嘅柄本時生飾演，竟直係天衣無縫！

若本真吾。被裏學生會以美人計誘惑成為內鬼。由矢野聖人演出。

安堂麗治，通稱安德魯。一個絕命抖M，興趣同動力來源係被副會長懲罰。由諧星坂本祐介演出。

根津讓二，成日咳到嘔血(但其實係因為痱滋好嚴重)、又用連帽衛衣包住自己、兼且鐘意養螞蟻嘅人。演員未公佈。

栗原萬里。裏學生會長、「烏鴉的主人」。因為爸爸嘅原因而對男性極度討厭，曾經解救兒時被欺凌嘅副會長，二人相識多年。由《誠於神之所說》嘅山崎紘菜演出。

白木芽衣子。裏學生會副會長、監獄主要管理人、超抖S、超性感、戰鬥力超高。拗手瓜能夠戰勝所有男生。對會長有不尋常嘅迷戀。由寫真女優護あさな(舊名河野麻奈)演出。

綠川花。花學姐，空手道高手兼裏學生會書記。平胸。與清志有一段關於親吻、小便、水樽同美杜莎嘅恩怨情仇。由森川葵飾演。

栗原千代。清志嘅同班同學、會長嘅親妹妹，鍾意相撲、單純善良嘅女仔。由武田玲奈飾演。