早兩日介紹過fans改裝嘅迷你版超任，但始終唔係官方嘢兼冇得賣，大家都係得個睇字，而官方宣布將會推出嘅灰機，作品又似乎唔係太吸引。今次宣佈推出紅白機就唔同講法，「紅白機Classic Mini」主機內置咗由1983年至1993年推出過嘅30款日版遊戲，當中包括《孖寶兄弟3》、《太空戰士3》、《熱血物語》、《忍者龍劍傳》同《雙截龍2》等等，遊戲更支援save功能。

話晒大家都係食日版遊戲奶水大，玩落當然親切啲啦。Classic Mini機身比舊款細60%左右，只係得一隻手板咁大，而主機有HDMI輸出，而且插USB攞電就玩得，機身仲跟埋兩個手掣。售價5980yen，大約460港幣，11月10日推出。