刮鬚，差不多是各位男士每天的例行工事，雖然如此，亦非每個男人都真正懂得如何處理這些鬚根，況且，每日用電鬚刨在面上來來回回地不斷刮，對皮膚來說也是某程的傷害，說真的，男人想自己皮膚不至於白滑，也不要又粗又嚡吧！另外，建議鬍鬚比較軟及濃密度較低的男士，可以選用剃鬚刀，因為它較為貼面，角度相對細緻，出來的效果會較好。

林偉豪Calvin個人簡介︰
跨媒體藝人，沒有完美皮膚與身材，入行以來每日鑽研男妝保養，深造男裝穿搭，從不偷懶。擁有超過十年司儀經驗，經常向各大品牌偷師；現為商業電台DJ及節目主持，曾為Roadshow、亞洲電視及香港寬頻電視主持音樂、旅遊及資訊節目；又創辦本地文化創意平台「木木文創」，主理創意及時裝業務，名副其實事業型男。

決戰三毛之刮鬚法示範︰
步驟一︰

"剃鬚嘅準備過程好重要，洗面就係第一步。Belif Creamy Cleansing Foam Moist ，加少少水，搓啲泡出嚟就可以上面，佢嘅去油效果幾唔錯，沖水之後會feel到好乾淨。"

步驟二︰

"今次，想同大家分享埋而家好多人想試嘅洗面機。某程度上，佢好似一隻放大左嘅電動牙刷，只要喺面上由中間向外推，配合潔面產品，就可以做到清潔效果。聽聞有恆心日日用毛孔都會細啲，而我覺得剃鬚前用最好啦，因為佢可以去左啲老角質同污糟野，加強剃鬚效果。不過記住，一分鐘就好啦！"

步驟三︰
"之後好重要嘅，係一盆熱水，先浸條乾淨熱先巾，放上面1至2分鐘，令毛孔擴大。之後，就用嚟浸剃鬚刀，佢要KEEP住熱先會剃得好架。"

步驟四︰

"之後就要用Cream、Foam或Gel之類的產品去軟化鬚根同保護。LAB SERIES呢支Maximum Comfort Shave Gel冰涼剃鬚啫喱，上面之後會變做豐富泡沫，可以軟化鬚根及形成保護膜，剃鬚果陣會更貼服舒適。傳統上應該配合一個掃，咁樣可以有更多水份同泡泡包圍鬚根。"

步驟五︰
"剃鬚時，由上至下，用另一隻手輕輕拉緊皮膚，令鬍鬚直立；要一小部份一小部份咁剃，過程入面時不時浸番支刀入熱水，保持溫度。提下大家，如果有好幾日冇剃鬚，或者留左一輪鬚想轉形象，最好就先用番電鬚刨修短左先，咁樣再用刀會順好多架！"

步驟六︰

"上唇同下巴底最難搞，必要時反手剃可以加強力度，但要好小心，否則好易會整傷架。"

步驟七︰
"搞掂之後就要用凍水拍面，立即收緊毛孔，再印乾。"

步驟八︰

"鬚後護理絕對唔可以忽略，呢支3-in-1 Post-Shave三效合一鬚後護理產品，能夠解決鬍鬚倒生嘅問題同紓緩剃鬚之後嘅紅腫；介紹話長時間使用，可以令鬍鬚更加柔軟幼細，令剃鬚程序更輕鬆，甚至可以減少剃鬚次數，唔怕夜少少就出哂鬚根咁麻煩啦。"

步驟九︰
之後照做日常保養或者簡單修飾，搞掂。

片中所用產品（左至右）︰

Belif Creamy Cleansing Foam Moist $198/160ML
優點︰專為混合性至乾性肌膚而設計的潔面乳, 超細緻泡沬幫助肌膚創造水嫩的觸感, 持續提升肌膚角質層保水力, 洗臉後從此變得更加自然舒服無負擔,充滿水潤感。

Olive Young 4D Motion Brush 售價待定
優點︰擁有18000回的音波震動，軟身刷毛，輕易將面部污垢清除。

LAB SERIES Skincare Maximum Comfort Shave Gel $210/200ML
優點︰啫喱泡沫配方令整個剃鬚過程倍感清涼舒爽，鎮靜皮膚，軟化鬍子，為剃鬚作好準備。卓越的滋潤因子減少剃鬚時的磨擦不適，帶來適當保濕。

LAB SERIES Skincare For Men 3-in-1 Post-Shave $320/50ML
優點︰突破性的三效啫喱配方蘊含一系列經科研證實的成份精華，治療倒生鬍子，紓緩並預防刮損紅腫，改善鬍子生長情況，令剃鬚過程更便利，減少剃鬚次數以及有助延緩傍晚鬍根豎立的情況。