白恤衫，日常生活嘅basic item幾乎落街隨便都買到，唔好以為有件老西披住，恤衫唔太fit都唔係好覺，諗真啲其實好多時間件老西都係擺多過著，既然成日著住恤衫見人，剪裁合身當然緊要，出街買各品牌預設好嘅大眾尺碼，不如安在家中上網輸入自己尺碼，自選領位設計及衫身剪裁，實行為自己made to order一件。講緊一個專造自訂恤衫嘅倫敦網站，恤衫布料是每cm 7針織法由意大利工場縫製，可以脫離made in China 魔掌，每件GBP85(約HK$950)，不過就規定最少訂製3件，送貨範圍暫只限倫敦，但就可以電郵個別傾傾寄香港運費。
